18 sáýirde eldiń basym aýmaǵynda jel kúsheıip, jańbyr jaýady
NUR-SULTAN. QazAqparat - 18 sáýirde Qazaqstannyń basym bóliginde atmosferalyq aǵyndardyń ótýine baılanysty jańbyr jaýady. Keı jerlerde tuman, naızaǵaı, burshaq, kóktaıǵaq, jeldiń kúsheıýi kútiledi, burshaq jaýýy múmkin, dep habarlaıdy «Qazgıdromet» RMK.
Qyzylorda oblysynda jel 15-20, keı jerlerde 23-28 m/s kúsheıedi, keı jerlerde kóktaıǵaq, shańdy daýyl turyp, burshaq jaýýy yqtımal.
Aqmola oblysynyń keı jerlerinde tuman, kóktaıǵaq kútiledi, túnde jáne tańerteń jel 15-20 m/s kúsheıedi. Jambyl, túnde Almaty oblystarynyń keı jerlerinde tuman túsedi. Jambyl oblysynda kúndiz jeldiń jyldamdyǵy 15-20 m/s jetedi.
Túrkistan oblysynyń keı jerlerinde burshaq jaýýy múmkin, tańerteń jáne kúndiz keı jerlerde jel 15-20, ekpini 25 m/s kúsheıedi.
Mańǵystaý oblysynyń basym bóliginde jel 15-20, ekpini 23 m/s bolady.
Aqtóbe, Qostanaı oblystarynyń keı jerlerinde jel 15-20, ekpini 23 m/s kúsheıedi,
Qostanaı oblysynyń keı jerlerinde tuman túsýi yqtımal. Atyraý oblysynda jel turyp, jyldamdyǵy 18-23 m/s jetedi.
Batys Qazaqstan oblysynyń keı jerlerinde jel 15-20 m/s kúsheıedi.
Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde tuman túsip, jeldiń jyldamdyǵy 15-20 m/s jetedi.
Pavlodar oblysynyń keı jerlerinde burqasyn kútiledi, jel 15-20 m/s kúsheıedi.
