18 sáýir. QazAqparat kúntizbesi: Ataýly kúnder, oqıǵalar, esimder
ATAÝLY KÚNDER
Halyqaralyq eskertkishter men tarıhı oryndar kúni
Bul mereke alǵash ret 1984 jyly atap ótildi. Bul kúndi 1983 jyly ıÝNESKO janynan qurylǵan Halyqaralyq eskertkishter men kórnekti oryndardy qorǵaý máseleleri jónindegi keńes assambleıasy bekitken. Búgingi tańda osy uıymnyń qatarynda álemniń 175 memleketi bar. Dúnıejúziniń 122 elindegi 754 tarıhı qundylyq ıÝNESKO tizimine engizilgen. 2003 jyly osy tizimge elimizdegi «Áziret Sultan» tarıhı-arhıtektýralyq kesheni, Almatyǵa taıaý Tamǵaly tas shatqalyndaǵy jartastarǵa qashalǵan sýretter toptamasy kirdi. Qazaqstanda ulttyq qundylyq bolyp tabylatyn 25 myńnan astam tarıhı-mádenı eskertkish bar.
Dúnıejúzilik radıo áýesqoılar kúni
1925 jyldyń 18 sáýir kúni qurylǵan Halyqaralyq radıo áýesqoılar odaǵynyń qurylýyna baılanysty atap ótiledi.
ESTE QALAR OQIǴALAR
1993 jyly Almatyda Dúnıejúzilik ekonomıkalyq forým ótti. Oǵan álemniń 30 elinen 100-den astam iri halyqaralyq jáne ulttyq kompanııalardyń basshylary jınaldy.
1996 jyly Almatyda Ekonomıkalyq yntymaqtastyq uıymyna múshe elder ókilderiniń halyqaralyq konferentsııasy óz jumysyn bastady.
2005 jyly qazaqstandyq ekolog Qaısha Atahanova qorshaǵan ortany qorǵaý salasyndaǵy qyzmeti úshin halyqaralyq Goldman syılyǵynyń ıegeri atandy.
Qaısha Atahanova - tómen jáne ortasha radıoaktıvti qaldyqtardy basqa memleketterden Qazaqstanǵa ákelýge narazylyq naýqanyn uıymdastyrǵan. Ol - bıolog, radıoaktıvti sáýlelerdiń zardaptaryn zertteıtin maman, Qaraǵandydaǵy ekologııalyq ortalyqtyń negizin qalaýshysy jáne jetekshisi.
Ekologııalyq Goldman syılyǵyn 1990 jyly qoǵam qaıratkeri Rıchard Goldman jáne onyń jubaıy Rodo bekitken.
15 jyl ishinde Goldman syılyǵyn 65 eldiń 107 tabıǵat qorǵaýshylary alǵan. Ekologııalyq syılyqtyń ıegerlerin, búkilálemdik jeli usynǵan ekologııalyq uıymdar jáne jeke tulǵalardy halyqaralyq qazylar alqasy saılaıdy.
2006 jyly Pavlodar oblystyq «Zvezda Prıırtyshıa» gazeti jýrnalıstıka salasyndaǵy jalpyulttyq «Altyn juldyz» syılyǵynyń ıgeri atandy.
2008 jyly Bakýde Ázerbaıjandaǵy Qazaqstan Respýblıkasy Elshiliginiń jańa ǵımaratqa kóshýine oraı, Qazaqstan Respýblıkasynyń Týyn kóterý qurmetine baılanysty saltanatty shara ótti. Respýblıkamyzdyń Ánurany shyrqalyp, Týdy kóterý rásimine Bakýde tirkelgen dıplomatııalyq korpýstyń, ulttyq kompanııalardyń qyzmetkerleri, sondaı-aq BAQ ókilderi qatysty.
2011 jyly Astanada Beıbitshilik jáne kelisim saraıynda QR Prezıdenti Nursultan Nazarbaevtyń tóraǵalyq etýimen Qazaqstan halqy Assambleıasynyń XVII sessııasy ótti. Taqyryby - «Táýelsiz Qazaqstan: beıbitshilik, kelisim men jasampazdyqtyń 20 jyldyǵy».
2011 jyly Elbasy N.Nazarbaev Estonııa Respýblıkasynyń aldyndaǵy aıyryqsha eńbegi úshin Marııa Jeriniń Krestimen marapattaldy.
Marııa Jeriniń Kresti - Estonııa Respýblıkasynyń memlekettik nagradasy. Ol 1995 jyly 16 mamyr kúni Estonııa memleketiniń táýelsizdigi qurmetine bekitildi. Estonııa prezıdentteri men el aldynda sińirgen eńbekteri úshin sheteldik azamattar marapattalady.
2011 jyly Shymkentte elimizdegi eń alǵashqy jastar densaýlyq úıi ashyldy. Bul iske bastamashylyq jasaǵan Ońtústik Qazaqstan memlekettik farmatsevtıkalyq akademııasy.
2011 jyly qazaqstan eksporterleriILAC-MRA belgisin paıdalaný quqyǵyna ıe boldy. ILAC-MRA kombınatsııalyq belgi Ulttyq akkredıtteý ortalyǵynda akkredıtatsııalanǵan zerthanalardyń synaq hattamalarynda qolanylatyn bolady.
2012 jyly Qazaqstan Prezıdenti Nursultan Nazarbaev Malaızııadaǵy «Limkokwing University of Creative Technology» ýnıversıtetiniń Qurmetti doktory ataǵyna ıe boldy. Nursultan Nazarbaev - bul ataqqa ıe bolǵan tórtinshi memleket qaıratkeri. Buǵan deıin ýnıversıtettiń Qurmetti doktor ataǵyna Nelson Mandela, Mahathır Mohammad jáne Malaızııanyń qazirgi Premer-mınıstri Nadjıb Týn Razak ıe bolǵan.
2012 jyly álemge esimi tanymal kardıohırýrg Vıttorıo Vanını Almatydaǵy perınatologııa jáne balalar kardıohırýrgııasynyń qalalyq ortalyǵynda júrek aýrýlarynyń aýyr túrine shaldyqqan balalarǵa 30 ota jasady. Ahmetjan Esimov ıtalıandyq kardıohırýrgqa qajyrly eńbegi úshin rızashylyǵyn bildirip, Alǵys hat tabystady.
2012 jyly Akademık Seıit Qasqabasov TMD keńistigindegi bilim men ǵylym salasyna qosqan úlesi úshin «Dostastyq Juldyzdary» syılyǵynyń ıegeri atandy.
2012 jyly Taldyqorǵandaǵy «Qaınar AKB» JShS zaýytynyń aýmaǵynan otandyq akkýmýlıatorlardyń alǵashqy partııasy Qytaıǵa jóneltildi. 18 myń dana bolatyn ónim qaýipti júkter qataryna jatqyzylatyn bolǵandyqtan, QHR zańnamasyna sáıkes barlyq talaptar saqtaldy.
2013 jyly ál-Farabı atyndaǵy QazUÝ-de NR (Hewlett-Packard) ǵylymı-zertteý ortalyǵy ashyldy. Bul ortalyq mehanıka-matematıka fakýltetiniń janynda joǵary kásibı mamandardy daıarlaý, NR tehnologııalarynyń bazasynda oqytýdyń zamanaýı baǵdarlamalaryn qoldaný arqyly stýdentter men oqytýshylardyń bilimderin jetildirý maqsatynda qurylǵan.
2013 jyly belgili qazaqstandyq jazýshy Muhtar Áýezovtyń qurmetine memorıaldyq taqtanyń ashylý saltanaty ótti. Bishkektiń ortalyq kósheleriniń biri qazaq jazýshysynyń esimimen ataldy.
2013 jyly qazaq fýtbolynyń 1000 jyldyq mereıtoıynyń emblemasy maquldandy. Baıqaýdyń eń úzdik jumysy retinde Semeıdegi Shákárim memlekettik ýnıversıtetiniń túlegi Dınara Shúkeevanyń jumysy tanyldy.
2014 jyly Qaraǵandy memlekettik tehnıkalyq ýnıversıteti kesheninde Qazaqstanda tuńǵysh ret Lazerlik skanerleý ortalyǵy ashyldy.
2014 jyly Beırýt qalasyndaǵy Qazaqstan elshiliginde «Qazaqstan-Lıvan qarym-qatynasy: sátti seriktestikke 20 jyl» atty atty kitaptyń tusaýy kesildi.
2014 jyly Astanada Memleket Basshysy Nursultan Nazarbaevtyń qatysýymen Qazaqstan halqy Assambleıasynyń HHІ sessııasy ótti.
2014 jyly «Baýyr» fılmi úshin Serik Apyrymov Germanııa Syrtqy ister mınıstrliginiń nagradasymen (Preis des Auswärtigen Amtes) marapattalyp, Ortalyq jáne Shyǵys Eýropa XIV kınofestıvaliniń 4000 eýro syılyǵyna ıe boldy.
2015 jyly Almatyda Elbasy Nursultan Nazarbaev Malaızııa Premer-Mınıstri Nadjıb Týn Razakpen kezdesti. Kezdesý barysynda saýda-ekonomıkalyq, ınvestıtsııalyq, ındýstrııalyq, sondaı-aq mádenı-gýmanıtarlyq salalardaǵy ekijaqty yntymaqtastyqqa qatysty máseleler talqylandy.
2015 jyly Elbasy Nursultan Nazarbaev Almaty qalasyna jumys sapary barysynda «Dostyk Plaza» saýda-saýyq ortalyǵynyń jańa ǵımaratyn aralap kórdi. Sondaı-aq, «Made in Kazakhstan» brendimen óndirilgen ónimdermen tanysyp, qazaqstandyq taýarlardy satyp aldy.
«Dostyk Plaza» saýda-saýyq ortalyǵy 2014 jyly ashylǵan. Úsh qabatty keshen ǵımaratynda 174 dúken, 18 dámhana jáne meıramhana, sondaı-aq 10 zaldan turatyn kınoteatr bar. Joba quny - 200 mln dollardan asady.
2016 jyly Reseı Batyry, RF ІІM ishki áskerleriniń polkovnıgi Serik Sultanǵabıevti Qazaqstan Respýblıkasynyń qoǵamdyq birlestiginiń ókilderi Baýyrjan Momyshulynyń ordenimen marapattady. QR Ardagerler uıymynyń qoǵamdyq nagradasy Máskeýdiń belgili qorǵaýshysy, panfılovshy batyr, Keńes Odaǵynyń batyry, polkovnık Baýyrjan Momyshulynyń esimimen atalady. Bul ordenmen áskerı urystarda erekshe kózge túskender jáne áskerı boryshyn oryndaǵan kezinde erlik tanytqan áskerıler, sonymen qatar Qazaqstan Respýblıkasy ardagerler qozǵalysyna qomaqty úles qosqan tulǵalar marapattalady.
2016 jyly QHR SІM Dıplomatııalyq akademııasynyń ekinshi kýrs stýdenti qazaqstandyq A.Qońyrbaeva qytaılyq taıtszıtsıýan jaýynerlik óneri boıynsha úzdik úshtikke ilikti.
2017 jyly Túrkistanda áıgili qazaq rejısseri Jumat Shanınniń 125 jyldyǵyna arnalǵan «Teatr kóktemi - 2017» atty halyqaralyq festıval ótti.
2017 jyly «QazAqparat» Halyqaralyq aqparat agenttigi men Túrikmenstannyń «Túrikmenstan búgin» memlekettik aqparat agenttigi yntymaqtastyq jónindegi memorandýmǵa qol qoıdy. Qujattyń basty maqsaty - aqparat almasý arqyly baýyrmal eki eldi jaqyndastyra túsý.
2016 jyly Qazaqstanda kıiz úıdi qurastyrýǵa múmkindik beretin - búkil álemge tanymal «LEGO» oıynshyǵy satylymǵa shyqty.
ESІMDER
125 jyl buryn (1893-1962) kompozıtor, kúıshi Ádiljan QURMANǴALIEV dúnıege keldi.
Almaty oblysynda týǵan. 1919 jyldan burynǵy Taldyqorǵan oblysynda keńestik sot, sharýashylyq mekemelerinde jaýapty qyzmetter atqarǵan. 1932-1955 jyldary Qytaıdyń Shynjań ólkesinde mádenı-aǵartý salasynda eńbek etken. 1955 jyly tarıhy otanyna oralǵan. Kúıshiniń «Qos júrek», «Qos jetim», «Jeńis», «Qaıran ana», «Arman», «Otan», t.b. kúıleri bar. Sonymen qatar ol qazaqtyń halyq ánderi men kúılerin, folklorlyq muralaryn jınaýmen aınalysqan.
107 jyl buryn (1911-1991) jazýshy, aýdarmashy Zeıtin AQYShEV dúnıege keldi.
Pavlodar oblysy Baıanaýyl aýdanynda týǵan. Omby jumysshy fakýltetin, Semeı memlekettik pedagogıkalyq ınstıtýtyn bitirgen. Pavlodar, Taldyqorǵan oblystyq oqý bólimderiniń meńgerýshisi qyzmetterin atqarǵan. Almatydaǵy Oqý-pedagogıka baspasynyń aǵa redaktory, redaktsııa meńgerýshisi, bas redaktory, «Qazaqstan muǵalimi» gazetiniń redaktory, Qazaq KSR Mınıstrler keńesi apparatynyń aýdarmashy redaktory, Qazaq-sovet entsıklopedııasy bas redaktsııasynyń aǵa ǵylymı redaktory boldy.
«Aǵash úı» atty óleńi tuńǵysh ret 1930 jyly jaryq kórgen. Sodan bergi ýaqytta onyń kóptegen áńgimeleri, povesteri, romandary basyldy. Olardyń birtalaıy orys tiline aýdarylǵan. Dramatýrgııa salasynda da jemisti eńbek etip, «Jaıaý Musa», «Kelinshek» atty týyndylaryn jazdy. Sonymen qatar V.Panovanyń «Kýrjılıha» romanyn, A.Kýprınniń «Jekpe-jek», ıA.Kolastyń «Talap ataı» povesterin qazaq tiline aýdarǵan.
80 jyl buryn (1938-2011) tehnıka ǵylymynyń doktory, professor Lesbek SEIІTBEKOV dúnıege keldi.
Jambyl oblysynyń Jýaly aýdanynda týǵan. Tashkent qalasyndaǵy aýyl sharýashylyǵyn mehanıkalandyrý jáne sýlandyrý ınstıtýtyn bitirgen. 1961-1993 jyldary Jambyl oblysy sharýashylyqtarynda, Qazaq aýyl sharýashylyǵyn mehanıkalandyrý jáne elektrlendirý ǵylymı-zertteý ınstıtýtynda, qazaq aýyl sharýashylyǵy ǵylymdary akademııasynda qyzmet atqarǵan. 1993-2003 jyldary Qazaq aýyl sharýashylyǵyn mehanıkalandyrý jáne elektrlendirý ǵylymı-zertteý ınstıtýtynyń dırektory, al 2003 jyldan osy ınstıtýt negizinde qurylǵan Aýyl sharýashylyǵyn mehanıkalandyrý ǵylymı-óndiristik ortalyǵy dırektorynyń orynbasary bolǵan. Ol ǵylymı zertteýlerinde mal sharýashylyǵy ónimderin óńdeý jáne ekpe jaıylymdy qorshaý tehnologııalary men mashınalar jasaý teorııasyn damytqan. Jel qýatymen sý kóteretin VV-3T, jel qýatymen elektr togyn óndiretin VE-2T, VE-2, 7T, kún qýatymen jumys isteıtin GE-300 qondyrǵylary memlekettik synaqtan ótip, óndiriske usynylǵan. Onyń tikeleı basqarýymen jáne qatysýymen qoı sharýashylyǵy ónimderin óńdeýdiń qaldyqsyz tehnologııalary men 10 túrli qural-jabdyqtan turatyn mashınalar kesheni jasalǵan. Olardyń barlyǵy memlekettik synaqtan ótip, Orta Azııa men Qazaqstan Respýblıkasynyń 250-den astam sharýashylyqtaryna engizilgen. Atalmysh mashınalardyń bir úlgisi Mońǵolııa eliniń sharýashylyǵynda iske qosylǵan. Ǵalymnyń 130-dan astam ǵylymı eńbegi, onyń ishinde 3 kitaby, 3 usynysy, 35 avtorlyq kýáligi men patenti bar. Onyń jetekshiligimen 15 ǵylym kandıdaty jáne 3 doktory dıssertatsııa qorǵaǵan.
Medaldarmen marapattalǵan.
80 jyl buryn (1938-2014) fılologııa ǵylymynyń doktory, professory Abdýl-Hamıt MARHABAEV dúnıege keldi. Qyzylorda oblysynyń Aral aýdanynda týǵan. 1964 jyly Qazaq memlekettik ýnıversıtetin bitirgen. «Bilim jáne eńbek» («Zerde») jýrnalynyń ádebı qyzmetkeri, bólim meńgerýshisi, Qazaq memlekettik ýnıversıteti jýrnalıstıka fakýltetiniń assıstenti, aǵa muǵalimi, dotsenti, «Bilim jáne eńbek» jýrnalynyń bas redaktory, «Jańa fılm» jýrnalynyń aǵa redaktory, Qazaq KSR Baspa, polıgrafııa jáne kitap saýdasy isteri jónindegi memlekettik komıteti bas redaktsııasynyń aǵa redaktory, Qazaq ortalyq murajaıy baspa-redaktsııa sektorynyń aǵa redaktory, sektor meńgerýshisi qyzmetterin atqarǵan. 1959 jyldan respýblıkalyq basylymdardy ǵylymı fantastıkalyq janr salasynda áńgime-povester jaza bastaǵan. «Ǵaryshtaǵy qymyz» atty tuńǵysh jınaǵynan bastap, «Aral áýenderi», «Balalardyń aman qalǵanyn aıt!», «Jarylqaýshy...», «Tosyn ǵaryshhat», t.b. ondaǵan kórkem shyǵarmalary jeke kitap bolyp shyqqan. Fantastıka janrynyń tabıǵaty men teorııalyq erekshelikterin aıqyndaıtyn fantastıkataný jaıynda «Qolyńdy ákel, Keleshek. Qazaq fantastıkasy: keshe, búgin jáne...», «Qazaq fantastıkaly ádebıeti» atty monografııalary, «Islam - Ǵylym - Jýrnalıstıka» oqýlyǵy jaryq kórgen.
57 jyl buryn (1961) - Ulttyq ekonomıka vıtse-mınıstri Baýyrjan Beısenbaıuly BEKEShEV dúnıege keldi.
1983 jyly Eńbek Qyzyl Tý ordendi Qaraǵandy polıtehnıkalyq ınstıtýtyn, 2001 jyly E.A.Bóketov atyndaǵy Qaraǵandy memlekettik ýnıversıtetin bitirgen.
Eńbek joly: 1983 jyly - Qaraǵandy QKTÝ-15 óndiristik oqytý sheberi.
1986 jyldan 1997 jylǵa deıin - «Qaraǵandykómir» kómir óndirý jónindegi ÓB Taý-ken shahtalyq jabdyqtardy jóndeý zaýyty kombaındaryn jóndeý tsehynyń ınjener-konstrýktory, tseh bastyǵynyń orynbasary. 1999 jyly - «Garant» JShS kommertsııalyq dırektory. 1999 jyldan 2005 jylǵa deıin - «Qaraǵandy oblysy kásipkerlik jáne ónerkásip departamenti» MM jetekshi mamany, bas mamany, bólim bastyǵy. 2005 jyldan 2008 jylǵa deıin - «Atameken» Qazaqstan kásipkerleri men jumys berýshileriniń jalpyulttyq odaǵynyń» zańgeri. 2006 jyldan 2008 jylǵa deıin - «Qazaqstandyq PET-orama óndirýshiler qaýymdastyǵy» zańdy tulǵalar birlestiginiń atqarýshy dırektory. 2008 jyldan 2009 jylǵa deıin - Qazaqstan Respýblıkasynyń Indýstrııa jáne saýda mınıstrliginiń Kásipkerlikti damytý departamenti Kásipkerlikti damytý strategııasy basqarmasynyń bas sarapshysy. 2009 jyldan 2010 jylǵa deıin - Qazaqstan Respýblıkasynyń Ekonomıka jáne bıýdjettik josparlaý mınıstrliginiń Kásipkerlikti damytý departamenti dırektorynyń orynbasary.2010 jyldan 2013 jylǵa deıin - Qazaqstan Respýblıkasynyń Ekonomıkalyq damý jáne saýda mınıstrliginiń Kásipkerlikti damytý saıasaty departamenti dırektorynyń orynbasary, dırektory. 2013 jyldan 2014 jylǵa deıin - Qazaqstan Respýblıkasynyń Óńirlik damý mınıstrliginiń Kásipkerlikti damytý saıasaty departamentiniń dırektory. 2014 jyldan 2017 jylǵy qyrkúıekke deıin - Eýrazııalyq ekonomıkalyq komıssııanyń Kásipkerlik qyzmetti damytý departamentiniń dırektory.
2017 jylǵy qyrkúıekten bastap - qazirgi ýaqytta - Qazaqstan Respýblıkasynyń Ulttyq ekonomıka vıtse-mınıstri.
Marapattary: «Eren eńbegi úshin», «Kazaqstan Respýblıkasynyń táýelsizdigine 20 jyl», 2 dárejeli «Atameken» tósbelgisi.
55 jyl buryn (1963) QR Joǵarǵy sotynyń sýdıasy Erden Raýanuly ÁRІPOV dúnıege keldi.
Eńbek jolyn 1986 jyly burynǵy Jezqazǵan oblystyq atqarý komıtetiniń notarıat boıynsha Ádilet bóliminiń aǵa keńesshisi laýazymynan bastaǵan. 1991-1992 jyldary Jezqazǵan oblystyq halyq depýtattar Keńesiniń aǵa keńesshisi bolǵan. 1992-2000 jyldary deıin Qaraǵandy oblysy Jezqazǵan qalalyq sotynyń sýdıasy. 2000-2008 jyldary Qaraǵandy oblysy Balqash qalalyq sotynyń tóraǵasy. 2008-2010 jyldary Qaraǵandy qalasy Qazybek bı aýdanynyń № 2 aýdandyq sotynyń tóraǵasy. 2010-2012 jyldary Almaty qalalyq sotynyń kassatsııalyq sot alqasynyń tóraǵasy. 2012 jyly 2 shildede Qaraǵandy oblystyq sotynyń qylmystyq ister jónindegi apellıatsııalyq sot alqasynyń tóraǵasy qyzmetine taǵaıyndalǵan.
47 jyl buryn (1971) Soltústik Qazaqstan oblysy ákiminiń áleýmettik máseleler boıynsha orynbasary Anarhan Qalıqyzy DÚISENOVA dúnıege keldi.
Kókshetaý oblysy Kellerov aýdany Talap aýylynda dúnıege kelgen. Sh.Ýálıhanov atyndaǵy Kókshetaý memlekettik ýnıversıtetin bıologııa jáne hımııa pánderiniń muǵalimi mamandyǵy boıynsha bitirgen. 1990 jyldan bastap Taıynsha aýdanynda densaýlyq saqtaý salasynda 12 jyl eńbek etti. 2003-2006 jyldary Taıynsha aýdandyq máslıhatynyń hatshysy boldy. 2006-2011 jyldary Taıynsha aýdany ákiminiń orynbasary bolyp istedi. 2011 jyldyń qarasha aıynan qazirgi ýaqytqa deıin«Nur Otan» partııasy Taıynsha aýdandyq fılıaly tóraǵasynyń birinshi orynbasary qyzmetin atqardy.
44 jyl buryn (1974) «Transtelekom» AQ basqarma tóraǵasy NADYROV Janbolat Oraquly dúnıege keldi.
1998 jyly Satpaev atyndaǵy Qazaq Ulttyq Tehnıkalyq Ýnıversıtetin tamamdady, 2002 jyly Baıqońyrov atyndaǵy Jezqazǵan ýnıversıtetin «Qarjy jáne nesıe» mamandyǵy boıynsha bitirip, «Qarjy-ekonomıst» biliktiligin ıelendi.
2002 jyldan «KMT» JShS-niń bas dırektory, 2002 jyldyń naýryz aıynan 2004 jyldyń qyrkúıek aıyna deıin Qaraǵandy qalasyndaǵy «TPK Azııa» JShS fılıalyny dırektorynyń orynbasary bolyp jumys istedi. 2005 jyldyń aqpan aıynan 2006 jyldyń naýryz aıyna deıin Atyraý qalasyndaǵy «AMO» AQ Basqarmasynyń Tóraǵa orynbasary, 2007 jyldyń sáýir aıynan 2008 jyldyń tamyz aıyna deıin Almaty qalasyndaǵy «Nurbank» AQ-nyń Korporatıvti bıznes basqarmasynyń basshysy. 2007 jyldyń tamyz aıynan 2008 jyldyń qyrkúıek aıyna deıin Almaty qalasyndaǵy «Nurbank» AQ-nyń Basqarýshy dırektory. 2008 jyldyń qyrkúıek aıynan 2010 jyldyń mamyr aıyna deıin Almaty qalasyndaǵy «Nurbank» AQ-nyń Basqarma Tóraǵasynyń orynbasary, 2010 jyldyń mamyr aıynan 2010 jyldyń qazan aıyna deıin «Qazaqstan Damý banki» AQ Ókildiginiń dırektory qyzmetterin atqardy. 2013 jylǵy 26 qarashadaǵy «Transtelekom» AQ Dırektorlar keńesiniń sheshimine sáıkes, J. Nadyrov Ekonomıka jáne qamtamasyz etý jónindegi Vıtse-prezıdent mindetin atqarýshy - «Transtelekom» AQ Basqarmasynyń múshesi bolyp saılandy.
2016 jyldyń 14 jeltoqsanynan bastap «Transtelekom» AQ Basqarama tóraǵasy qyzmetin atqaryp keledi.
44 jyl buryn (1974) gımnastıkadan sport sheberi, Qazaqstannyń birneshe dúrkin chempıony, Álem chempıony, Álem kýbogynyń qola júldegeri, HІІ Azııa oıyndarynyń kúmis júldegeri FEDORChENKO Sergeı Vladımırovıch dúnıege keldi.
40 jyl buryn (1978) sportshy, grek-rım kúresinen halyqaralyq dárejedegi sport sheberi, Qazaqstan Respýblıkasynyń birneshe márte chempıony, Jastar arasyndaǵy álem chempıony (AQSh, 1994 ), stýdentter arasynda álem chempıony MATVIENKO Valerıı Vladımırovıch dúnıege keldi.
39 jyl buryn (1979) Qazaqstan Respýblıkasy Aqparat jáne kommýnıkatsııalar mınıstri Dáýren Áskerbekuly ABAEV dúnıege keldi.
Almaty oblysynda týǵan. 2001 jyly ál-Farabı atyndaǵy Qazaq ulttyq ýnıversıtetin úzdik bitirgen.
Eńbek qyzmeti: QR Syrtqy ister mınıstrliginde referent, attashe, úshinshi hatshy (2001-2003); QR-dyń Ázerbaıjandaǵy Elshiliginde úshinshi hatshy (2003); Nıderlandy Koroldigindegi QR isteri boıynsha ýaqytsha senimdi ókili, ekinshi hatshy (2003-2007); QR Syrtqy ister mınıstrliginiń baspasóz qyzmetinde bólim bastyǵy (2007); QR Prezıdenti Protokolynyń bas sarapshysy, konsýltanty (2007-2008); QR Prezıdentiniń baspasóz hatshysynyń orynbasary (2008-2009); QR Prezıdenti Ákimshiliginiń memlekettik baqylaý jáne aýmaqtyq-uıymdastyrý jumystar bóliminiń memlekettik ınspektory (2009); Qazaqstan Respýblıkasy Prezıdentiniń baspasóz hatshysy, keńesshisi (2011-2016).
Qazirgi qyzmetinde - 2016 jyldyń mamyr aıynan.
«Parasat» jáne «Kurmet» ordenderimen, merekelik medaldarmen marapattalǵan.
37 jyl buryn (1981) Shymkent qalalyq ІІB jergilikti polıtsııa qyzmetiniń bastyǵy Danııar MeıirhanulyMEIІRHAN ómirge keldi.