18-óńir: Abaı oblysynda kólik júrgizýshilerine jańa nómirler berile bastady

SEMEI. QazAqparat – Abaı oblysynda kólik júrgizýshilerine jańa memlekettik tirkeý nómirleri berile bastady, dep habarlaıdy QazAqparat tilshisi.

«Azamattarǵa arnalǵan úkimet» Abaı oblystyq fılıalynyń málimetine súıensek, 21 qyrkúıekte kólik júrgizýshilerine memlekettik tirkeý nómirleri berile bastady.

«Oblys turǵyndaryna berilip jatqan memlekettik tirkeý nómirlerinde 18-aımaq belgisi bar. Tańerteńnen mamandandyrylǵan halyqqa qyzmet kórsetý ortalyǵyna kelgen kólik júrgizýshilerine jańa nómirler berilýde. Dál qazirgi sátte memlekettik tirkeý nómirin 8 adam aldy», - deıdi fılıal mamandary.

Aıta ketý kerek, jańadan qurylǵan óńir turǵyndaryna burynǵy kólik nómirlerin aýystyrýdyń qajeti joq.