18 naýryzdan bastap, elimizdiń árbir azamaty saılaýshylardyń tizimimen tanysa alady

Bul týraly búgin Ortalyq saılaý komıssııasynyń tóraǵasy Qýandyq Turǵanqulov jýrnalıstermen bolǵan brıfıngte aıtty.

Onyń aıtýynsha, saılaýshylardyń tizimin jasaqtaý saılaý komıssııalarynyń mańyzdy mindetteriniń biri. «Bul shara jyl boıyna júrgiziledi. Biz jyl ortasynda jáne jyl sońynda eki ret jergilikti atqarýshy organdardan saılaýshylardyń tizimderin alamyz. Budan soń, ıaǵnı saılaý kúni jarııalanǵan soń, saılaýshylardyń tizimin naqtylaý boıynsha kúrdeli jumystar júrgiziledi. Bul túsinikti de elimizde kóshi-qon úderisteri belsendi júrip jatyr. Astana, Almaty sııaqty qalalardy kóptegen úıler salynyp, halyq kóship-qonyp jatyr. Sondyqtan saılaýshylar tizimi az ǵana ýaqyttyń ishinde úlken ózgeristerge ushyraýy múmkin»,-dedi Q.Turǵanqulov.

Onyń sózine qaraǵanda, 13 naýryz kúni jergilikti atqarýshy organdar tıisti qoldar qoıylǵan tizimdi saılaý komıssııalaryna joldady. «Osyǵan baılanysty elimizdiń árbir turǵyny 18 naýryzdan bastap saılaýshylar tizimimen tanysa alady»,-dedi OSK tóraǵasy.