18 naýryzda Qazaqstannyń barlyq aımaqtarynda jaýyn-shashyn jaýyp, tuman túsedi, kóktaıǵaq bolady, burqasyndatyp, jel kúsheıedi
ASTANA. QazAqparat - Qazaqstannyń barlyq aımaqtarynda atmosferalyq aǵyndardyń ótýine baılanysty, qubylmaly aýa raıy saqtalady, keı jerlerde jaýyn-shashyn jaýyp, tuman túsedi, kóktaıǵaq bolady, burqasyndatyp, jel kúsheıedi, dep habarlady QR ІІM Tótenshe jaǵdaılar komıteti.
Aqmola, Soltústik Qazaqstan, Pavlodar oblystarynyń keı jerlerinde kóktaıǵaq bolady, jaıaý burqasyn júredi, jel 15-20 m/s-qa deıin kúsheıip, keı jerlerde ekpini 23-28 m/s-qa jetedi. Aqmola oblysynyń keı jerlerinde tuman túsedi.
Qaraǵandy oblysynyń keı jerlerinde tumandy, kóktaıǵaq bolady, jaıaý burqasyn júredi, jeldiń kúshi 15-20, keı jerlerde 25 m/s-qa jetedi.
Shyǵys Qazaqstan, Qostanaı, Mańǵystaý oblystarynyń keı jerlerinde tuman túsedi, kóktaıǵaq bolady, jel 15-22 m/s-qa deıin kúsheıedi. Qostanaı, Mańǵystaý oblystarynda jeldetip, jaıaý burqasyn kóteriledi.
Almaty, Ońtústik Qazaqstan oblystarynyń keı jerlerinde tuman túsip, jel 15-20 m/s-qa deıin kúsheıedi.
Batys Qazaqstan, Aqtóbe oblystarynyń keı jerlerinde kóktaıǵaq bolyp, jel 15-20 m/s-qa deıin kúsheıedi.
Jambyl oblysynyń keı jerlerinde jeldiń kúshi 15-20, uıtqýy 23 m/s-qa jetedi, túnde jáne tańerteń tuman túsýi múmkin.
Qyzylorda oblysynyń keı jerlerinde jeldiń ekpini 15-20 m/s-qa deıin kúsheıedi.
Atyraý oblysynyń keı jerlerinde tuman túsip, túnde keı jerlerde jeldiń kúshi 15-20 m/s-qa jetedi, kúndiz oblystyń basym bóliginde jeldiń ekpini 15-20 m/s-qa deıin kúsheıedi.
