18 naýryzda elimizdiń birqatar aımaǵynda jel kúsheıip, burqasyn bolady - Qazgıdromet
ASTANA. QazAqparat - Búgin el aýmaǵynyń basym bóliginde atmosferalyq frontaldy bólikterdiń ótýine baılanysty qar jaýady, keı jerlerde burqasyn, jeldiń kúsheıýi, tuman, kóktaıǵaq saqtalady, dep habarlaıdy QR TJM baspasóz qyzmeti «Qazgıdrometke» silteme jasap.
Aqmola, Aqtóbe, túnde Batys Qazaqstan, Shyǵys Qazaqstan oblystarynyń keı jerlerinde jel 15-20 m/s, burqasyn bolady. Qostanaı oblysynyń keı jerlerinde kóktaıǵaq kútiledi, jel 17-22 m/s kúsheıedi, kúndiz burqasyn bolady. Soltústik Qazaqstan oblysynyń keı jerlerinde burqasyn, kóktaıǵaq, jeldiń kúshi sekýndyna 15-20 deıin, kúndiz 25 m/s bolady. Kúndiz Pavlodar oblysynyń keı jerlerinde jel 15-20 m/s bolady. Túnde Qaraǵandy oblysynyń keı jerlerinde tuman kútilip, kúndiz jel 15-20 m/s, burqasyn bolady. Túnde Almaty oblysynyń keı jerlerinde tuman kútilip, kúndiz Jalańashkól aımaǵynda jel 17-22 m/s deıin kúsheıedi. Jambyl oblysynyń keı jerlerinde tuman bolady, 15-20 m/s deıin jel soǵady. Ońtústik Qazaqstan, Qyzylorda, kúndiz Mańǵystaý oblystarynyń keı jerlerine tuman túsedi.
