18 naýryz. QazAqparat kúntizbesi
ESTE QALAR OQIǴALAR
2004 jyly QR Úkimetiniń № 1355 Qaýlysyna sáıkes, «Ǵarysh baılanysynyń respýblıkalyq ortalyǵy» AQ quryldy. Onyń qyzmetin «Qazǵarysh» retteıdi.
2006 jyly Pragada Chehııadaǵy Qazaqstan stýdentteriniń «Báıterek» klýbynyń tusaýkeser rásimi ótti.
2010 jyly Elbasy Nursultan Nazarbaev Kóksaraı sý rettegishiniń ashylý rásimine qatysty.
Kóksaraı - Arys aýdanynda, Syrdarııa ózeninde salynǵan sý qoımasy.
2016 jyly Qazaqstan Respýblıkasynda Qazaqstan dıplomattarynyń qaýymdastyǵy quryldy, onyń negizgi maqsaty - Qazaqstan Respýblıkasynyń syrtqy saıasatyn júzege asyrýǵa járdemdesý, Qaýymdastyq músheleriniń quqyqtary men múddelerin qorǵaý jáne qazaqstandyq dıplomattar áýletterindegi sabaqtastyqty nyǵaıtý.
2016 jyly Qazaqstan Respýblıkasynyń Prezıdenti N. Nazarbaev «Birikken kúres álemi» halyqaralyq federatsııasynyń ordenimen marapattaldy. Nagradany kúres túrleri boıynsha Azııa Olımpıada irikteý týrnırin ótkizý úshin Astanaǵa kelgen atalmysh Halyqaralyq federatsııanyń prezıdenti Nenada Lalovıch tabys etti.
2017 jyly nemistiń Galle qalasynda hımıkter kýbogyna arnalǵan jyl saıynǵy týrnırge qatysqan qazaqstandyq boksshylar Azamat Isaqulov, Ábilhan Amanqul, Vasılıı Levıt, Qamshybek Końqabaev altyn medalǵa ıe boldy.
Galledegi halyqaralyq týrnırdi «shaǵyn álem chempıonaty» dep ataıdy. Oǵan túrli qurlyq boksshylary qatysady. Ol 1970 jyldan beri jyl saıyn ótkiziledi.
2018 jyly Soltústik Qazaqstan oblystyq tarıhı-ólketaný mýzeıinde aýdandyq memlekettik murajaılar qorynan qurylǵan «Muralardy saqtaı otyryp» atty kórme uıymdastyryldy. Oǵan tanymal soltústikqazaqstandyqtardyń ómiri men qyzmetine baılanysty materıaldar ákelindi. Sonymen qatar Maǵjan Jumabaev jáne onyń otbasyna tıesili jeke zattary - samaýryn, ydystar jáne jaınamaz jurtshylyq nazaryna usynyldy. Arab tilindegi Quran kitap, 1923 jyly Tashkentte shyǵarylǵan óleńder jınaǵy da bar. Sondaı-aq, kórmege avtory belgisiz, qaıta óńdeýden ótken aqyn portreti de qoıyldy.
2018 jyly Qostanaı oblysynyń Zatobolsk kentine qala mártebesi berilip, Tobyl dep ataldy.