18 naýryz. Tulǵalar týǵan kún

Búgin, 18 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

77 jyl buryn (1948) fılologııa ǵylymdarynyń doktory, Qazaqstan Respýblıkasy Gýmanıtarlyq ǵylymdar akademııasynyń akademıgi, Qazaqstan Jazýshylar odaǵynyń múshesi Ýálıhan Qalıjanuly QALIJAN dúnıege keldi.

Almaty oblysy Jambyl aýdany Jangeldi aýylynda týǵan. 1971 jyly QazMUÝ-dy, 1978 jyly osy oqý orynnyń aspırantýrasyn bitirgen.

Eńbek joly: 1971-1978 jyldary «Jetisý» gazetinde menshikti aǵa tilshi; 1978-1980 jyldary Qazaqstan LKSM OK-de nusqaýshy, baspasóz sektorynyń meńgerýshisi; 1980-1986 jyldary «Qazaqstan pıoneri» (qazirgi «Ulan») gazetiniń redaktory; 1986-1994 jyldary «Jas Alash» gazetinde redaktor; 1995-1996 jyldary QR Baspasóz jáne buqaralyq aqparat quraldary mınıstriniń orynbasary, QR Prezıdenti Ákimshiligi ishki saıasat bólimi meńgerýshisiniń orynbasary; 1996-1998 jyldary respýblıkalyq «Egemen Qazaqstan» gazetiniń bas redaktory; 1998-1999 jyldary QR Parlamenti Senaty baspasóz qyzmetiniń basshysy bolyp qyzmet atqarǵan. 1999-2011 jyldary QR Parlamenti Májilisiniń ІІ, ІІІ, IV shaqyrylymdarynyń depýtaty boldy. 2012-2018 jyldary M.Áýezov atyndaǵy Ádebıet jáne óner ınstıtýtynyń dırektory qyzmetin atqarǵan.

«Prezıdent», «Qazaq ádebıetindegi dinı-aǵartýshylyq aǵym», «Jádıtshil jyrlar», «Sheńber» atty prozalyq kitaptary, shyǵarmalarynyń bes tomdyq jınaǵy jaryq kórgen. G. Gýlııanyń «Omar Haııam týraly» romanyn qazaq tiline aýdarǵan. 1999 jyly fılologııa ǵylymdarynyń doktory ataǵyn alǵan. QR eńbek sińirgen qaıratkeri.

71 jyl buryn (1954) satırık, Qazaqstan Jazýshylar jáne Jýrnalıster odaǵynyń múshesi Tolymbek ÁLІMBEKULY dúnıege keldi.

Jambyl oblysynyń Jýaly aýdanynda týǵan. Qazaq memlekettik ýnıversıtetiniń jýrnalıstıka fakýltetin bitirgen soń, Jambyl aýdanynyń «Shuǵyla-Radýga», Jambyl oblystyq «Eńbek týy» gazetterinde qyzmet istedi. Krasnogor aýdanynyń «Kommýnızm joly — Pýt k kommýnızmý» gazetiniń redaktory, respýblıkalyq «Ara-Shmel» satıralyq jýrnalynyń bólim redaktory boldy. Qazaq teledıdary «Orda» shyǵarmashylyq birlestiginiń bas redaktory, Qazaqstan Jazýshylar odaǵy Ádebıetshiler úıiniń dırektory qyzmetterin atqardy.

Qazir M. Áýezov atyndaǵy Qazaq drama teatry kórkemdik jetekshisiniń ádebı keńesshisi.

Syqaq áńgime, ólenderi «Qarlyǵash», «Kúlemiz be, qaıtemiz?», «Kimge kúlki, kimge túrpi», «Tamasha», «O nesi, eı?» jınaqtarynda jaryq kórdi. «Kogda solntse smeetsıa» jınaǵyna áńgimeleri orys tiline aýdarylyp basyldy. «Lám-mım», «Ym-jym», «Toıda jolyǵaıyq» atty satıralyq shyǵarmalardyń avtory. R. Beletskııden, F. Býlıakovtan, M. Zadornovtan tárjimalaǵan komedııalary M. Áýezov atyndaǵy akademııalyq drama teatrda qoıyldy.

59 jyl buryn (1966) «SNPS-Aqtóbemunaıgaz» AQ Bas dırektorynyń birinshi orynbasary Tahtalıfým Sadýuly ESENǴULOV dúnıege keldi.

Aqtóbe oblysy Shalqar aýdanynda týǵan. 1991 jyly Qazaq polıtehnıkalyq ınstıtýtyn «Munaı jáne gaz geologııasy» mamandyǵy boıynsha bitirgen.

Eńbek joly: 1991-1997 jyldary «Oktıabrskneft» Munaı-gaz óndirý basqarmasy qabat qysymyn ustaý tsehynyń geology, TsDNG-1 aǵa geology, 1997-2000 jyldary «Aqtóbemunaıgaz» AAQ Munaı-gaz ken oryndaryn ıgerý basqarmasynyń ıgerý sektorynyń meńgerýshisi, ǵylymı-zertteý ınstıtýty ıgerý bóliminiń bastyǵy, 2000-2011 jyldary «SNPS-Aqtóbemunaıgaz» AQ munaı-gaz ken oryndaryn ıgerý departamenti dırektorynyń orynbasary, Basqarma bas geologynyń orynbasary, «Oktıabrskneft» NGDÝ basshysy, bas dırektordyń óndiristi úılestirý jónindegi orynbasary, 2011 jyldan bastap «SNPS-Aqtóbemunaıgaz» AQ bas dırektorynyń birinshi orynbasary, «Nur Otan» partııasynan Aqtóbe oblystyq máslıhatynyń III, IV, V, VI shaqyrylymdarynyń depýtaty, Aqtóbe oblystyq máslıhatynyń depýtattyq ókilettikter, etıka, zańdylyqǵ quqyq tártibi jáne qoǵammen jumys jónindegi turaqty komıssııanyń múshesi boldy.

«Qurmet» ordenimen (2017), «Eren eńbegi úshin» (2010), «Qazaqstan Respýblıkasy Táýelsizdigine 20 jyl» (2011), «Qazaqstan Konstıtýtsııasyna 20 jyl» (2015) medaldarimen marapattalǵan.

55 jyl buryn (1970) «ERSAI Caspian Contractor» JShS Dırektorlar keńesiniń tóraǵasy ıÝrıı PAK dúnıege keldi.

Almaty qalasynda týǵan. Qazaq memlekettik basqarý akademııasyn bitirgen.

Eńbek joly: 1993-1997 jyldary «KBK Korporatsııasy» JShS bas dırektorynyń orynbasary, 1997-1999 jyldary «KBK Korporatsııasy» JShS bas dırektory, 1999-2000 jyldary «QazaqOıl» munaı-gaz kompanııasynda munaı ónimderin ótkizý jáne marketıng bóliminiń bastyǵy, 2000-2002 jyldary «KBK Korporatsııasy» JShS bas dırektorynyń orynbasary, 2002-2004 jyldary ERC Holdings óndiristik dırektory, 2004-2006 jyldary Lancaster Group Pte Ltd dırektory. ıÝrıı Pak — «KBK Korporatsııasy» JShS quryltaıshylarynyń biri.

47 jyl buryn (1978) Qazaqstan Respýblıkasy Іshki ister mınıstrligi Shyraqbek Qabylbaev atyndaǵy Qostanaı akademııasynyń bastyǵy, polıtsııa general-maıory Aqynqalı Dáýitbaıuly DARMENOV dúnıege keldi.

1999 jyly QR Іshki ister mınıstrliginiń Almaty zań ınstıtýtyn «Quqyqtaný» mamandyǵy boıynsha, 2003 jyly QR Іshki ister mınıstrliginiń akademııasyn, 2008 jyly Germanııanyń Garmısh-Partenkırhen qalasyndaǵy D. Marshall atyndaǵy Eýropalyq qaýipsizdik ortalyǵyn («Leaders program in advanced security studies» baǵdarlamasy boıynsha oqytý), 2010 jyly Ulybrıtanııanyń Kembrıdj ýnıversıtetin, 2010-2012 jyldary «Bolashaq» baǵdarlamasy boıynsha bilim aldy.

Eńbek joly: 1999 jyly Qostanaı oblysy Meńdiqara aýdandyq ІІB TB tergeýshisi, 1999-2000 jyldary QR ІІM Qostanaı zań ınstıtýtynyń qylmystyq quqyq jáne krımınologııa, qylmystyq-atqarý quqyǵy kafedrasynyń oqytýshysy, 2000-2003 jyldary QR ІІM Akademııasynyń kúndizgi oqý adıýnkty, qylmystyq-quqyqtyq saıasat jáne krımınologııa kafedrasyna bekitilgen. 2000-2003 jyldary QR ІІM Akademııasy ǴZI-nyń «Uıymdasqan qylmys, terrorızm, dinı ekstremızmmen kúresýdiń ózekti máselelerin ázirleý» № 6 zerthanasynyń aǵa ǵylymı qyzmetkeri, 2006-2010 jyldary QR ІІM Akademııasynyń adıýnktýra bastyǵy, 2010 jyly QR ІІM Akademııasynyń doktoranty, 2012-2013 jyldary QR ІІM Almaty akademııasy zań ınstıtýtynyń arnaıy fakýlteti jalpy zań pánderi kafedrasynyń dotsenti, 2013-2014 jyldary QR ІІM Kadr jumysy departamentiniń vedomstvolyq bilim berýdi uıymdastyrý basqarmasynyń bastyǵy, 2014-2018 jyldary QR ІІM Temirtaý qalasyndaǵy oqý ortalyǵynyń bastyǵy, 2018-2019 jyldary QR ІІM Kadr saıasaty departamentiniń bastyǵy, 2019-2024 jyldary QR ІІM B. Beısenov atyndaǵy Qaraǵandy akademııasynyń bastyǵy qyzmetin atqarǵan.

Qazirgi laýazymyn 2024 jyldyń naýryz aıynan beri atqaryp keledi.

35 jyl buryn (1990) Almaty oblysy Alataý qalasy ákiminriń orynbasary Gúlbaný Seıtkenqyzy NESІPBAEVA dúnıege keldi.

Almaty oblysy Balqash aýdany Jıdeli aýylynda dúnıege kelgen. 2009 jyly Qapshaǵaı kásiptik kolledjin, 2012 jyly Almaty Úzdiksiz bilim berý ýnıversıtetin bitirgen.

Eńbek jolyn «Nur Otan» partııasynyń Qapshaǵaı qalalyq fılıalynda bas esepshiniń kómekshisi bolyp bastaǵan. 2010-2023 jyldary Zarechnyı aýyldyq okrýgi ákimi apparatynyń bas mamany, ákimniń orynbasary bolyp eńbek etti. 2023-2024 jyldary Zarechnyı aýyldyq okrýginiń ákimi, 2024 jyly Alataý qalasy ákimi apparatynyń ótinishterdi qabyldaý jáne qujattamamen qamtamasyz etý bóliminiń basshysy boldy.

Qazirgi laýazymyn 2024 jyldyń qyrkúıeginen beri atqaryp jatyr.

30 jyl buryn (1995) Aqmola oblysy tsıfrlandyrý jáne arhıvter basqarmasynyń basshysy Maǵjan Qaıratuly ERJAN dúnıege keldi.

Eýrazııa tehnologııalyq ýnıversıtetin, Qazaq Eńbek jáne áleýmettik qatynastar akademııasyn jáne Qazaq qatynas joldary ýnıversıtetin aıaqtady.

Eńbek jolyn 2014 jyly Almaty qalasyndaǵy jeke logıstıkalyq kompanııada maman retinde bastaǵan. «Azamattarǵa arnalǵan úkimet» memlekettik korporatsııasy» KEAQ tsıfrlandyrý ofısinde maman, menedjer, bas menedjer, servıs boıynsha basqarýshy dırektor laýazymdaryn atqardy. 2021-2022 jyldary QR Tsıfrlyq damý, ınnovatsııalar jáne aeroǵarysh ónerkásibi mınıstrliginde jumys istegen. «Tsıfrlyq transformatsııa qaýymdastyǵy» zańdy tulǵalar birlestiginiń bas dırektorynyń orynbasary boldy. «Azamattarǵa arnalǵan úkimet» memlekettik korporatsııasy» KEAQ sapany baqylaý departamentiniń dırektory qyzmetin atqarǵan.

Qazirgi laýazymyn 2024 jyldyń qarasha aıynan beri atqaryp keledi.