18 maýsymnan bastap Alakólge aparatyn jańa poıyz jolǵa shyǵady
Týrıstik maýsymnyń bastalýyna jáne Úrjar aýylyndaǵy áýejaıdyń jóndeý jumysyna jabylýyna baılanysty Indýstrııa jáne ınfraqurylymdyq damý mınıstrligi Jalańashkól stansasyna deıin júretin poıyzdardyń vagonyn kóbeıtedi.
Búginde Nur-Sultan, Almaty, Óskemen jáne Semeı qalalarynan Alakólge baratyn poıyzdar bar.
Almatydan 352 orynǵa shaqtalǵan segiz vagonnan turatyn poıyz taq kúnderi Alakólge baratyn. 18 maýsymnan bastap «Almaty - Dostyq» jańa poıyzy jolǵa shyǵady. Onda 11 vagon, 504 jolaýshyǵa oryn bar. Ol aptasyna úsh márte júredi.
18 maýsymnan bastap jekemenshik kompanııa atalǵan baǵytta 12 vagon, 560 orynnan turatyn poıyzdy iske qosady. Osylaısha Almatydan Alakóldiń shyǵys jaǵalaýyna 31 vagon qatynaıdy.
Nur-Sultannan «Nur-Sultan - Dostyq poıyzy júredi. Onda 10 vagon, 456 oryn bar. Ol aptasyna eki márte júredi.
18 maýsymnan bastap jekemenshik tasymaldaýshy 4 vagony bar 176 oryndyq jańa poıyz jolǵa shyǵady. Sonda astanadan Alakóldiń shyǵys jaǵalaýyna 24 vagon qatynaıdy.
Condaı-aq oblys ishinde Semeı men Óskemennen kól jaǵasyna jaz boıy eki poıyz turaqty qatynaıdy. Olar jeti jáne segiz vagonnan turady, onda sáıkesinshe 364 jáne 416 oryn bar.
Buryn 260 oryndyq bes vagon ǵana júretin, bıyl ondaǵy oryn sany 50 paıyzǵa kóbeıdi.
Sonymen qatar, Alakólge júretin avtobýstardyń da sany eki ese artqan. Kúnine 768 oryndyq 16 avtobýs jolǵa shyǵady.
