18 maýsymda respýblıkanyń soltústigi men shyǵysynda naızaǵaı jarqyldaýy múmkin
ASTANA. QazAqparat - Qazaqstannyń búkil aýmaǵyn qamtyǵan antıtsıklon alabultty, ystyq, ashyq aýa raıyna sebepshi boldy.
Ótken 17 maýsymdaǵy túnde respýblıkanyń birde-bir meteostansasy jaýyn jaýǵanyn tirkegen joq. Aldaǵy úsh táýliktiń ishinde de aýa raıynda eleýli ózgeris bolmaıdy dep kútilýde, aýanyń temperatýrasy klımattyq normadan 2-7º joǵary bolmaq.
Respýblıkanyń soltústigi men shyǵysynda ǵana atmosferalyq aǵyndardyń ótýimen keıbir jerlerde naızaǵaı oınap, ótkinshi jańbyr jaýýy múmkin, dep habarlady Qazgıdromet.
