18 maýsym. Qazgıdromettiń kún raıyna jasaǵan boljamy
NUR-SULTAN. QazAqparat - Qazgıdromet 18 maýsymda bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.
QR aýmaǵynyń basym bóligine áli de atmosferalyq frontaldy bólimder óz áserin tıgizedi, osyǵan baılanysty turaqsyz aýa raıy saqtalady: naızaǵaı oınap, jańbyr jaýady, sondaı-aq burshaq, daýyl kútiledi. Elimizdiń soltústik-shyǵysynda aýa raıy kóbinese jaýyn-shashynsyz bolady. Respýblıka boıynsha jeldiń kúsheıýi, ońtústik-batysta - shańdy daýyl kútiledi.
Almaty oblysynyń shyǵysynda, taýly aýdandarynda jel 15-20, oblystyń shyǵysynda ekpini 25 m/s kúsheıýi kútiledi. Jambyl oblysynyń ońtústiginde, taýly aýdandarynda - burshaq, daýyl, oblystyń soltústik-shyǵysynda, taýly aýdandarynda jeldiń 15-20 m/s kúsheıýi kútiledi.
Mańǵystaý oblysynyń ońtústiginde, shyǵysynda, batysynda jel 15-20 m/s kúsheıýi, shańdy daýyl kútiledi. Kúndiz Túrkistan oblysynyń taýly aýdandarynda daýyl, jeldiń 15-20 m/s kúsheıýi kútiledi.
Aqtóbe oblysynyń shyǵysynda, soltústiginde, ońtústiginde, Atyraý oblysynyń shyǵysynda, kúndiz Qyzylorda oblysynyń batysynda, ortalyǵynda, Shyǵys Qazaqstan oblysynyń ońtústik-batysynda, soltústiginde, shyǵysynda, Batys Qazaqstan oblysynyń shyǵysynda jeldiń 15-20 m/s kúsheıýi kútiledi.
Túnde jáne tańerteń Soltústik Qazaqstan oblysynyń batysynda tuman kútiledi.
Kúndiz Qostanaı oblysynyń ońtústiginde qatty ystyq kútiledi.
Qyzylorda oblysynda, Shyǵys Qazaqstan, Almaty oblystarynyń batysynda, Aqtóbe oblysynyń ońtústiginde, shyǵysynda, Atyraý oblysynyń ońtústiginde, batysynda, Qaraǵandy oblysynyń batysynda, shyǵysynda, Túrkistan oblysynyń ońtústik-shyǵysynda, Jambyl oblysynyń ortalyǵynda tótenshe órt qaýpi saqtalady.
