18 mamyrdan elordada jumysyn bastaıtyn nysandar belgili boldy
NUR-SULTAN. QazAqparat - Nur-Sultan qalasynyń bas sanıtar dárigeri Janna Pralıeva 18 mamyrdan elordada jumysy jandanatyn nysandar týraly aıtty, dep habarlaıdy QazAqparat tilshisi.
«18 mamyrdan qoǵamdyq tamaqtaný nysandarynyń jumysyna ruqsat etiledi. Bul rette 50 orynǵa deıingi jobalyq kólemdegi dámhanalar, meıramhanalar qamtylady, sondaı-aq daladaǵy jazǵy dámhanalar eskeriledi. Munymen qosa, balabaqshalardaǵy kezekshi toptardyń, jeke sabaqtar úshin balalardyń korrektsııalyq kabınetteriniń jumysy qarastyrylǵan», - dedi D. Pralıeva onlaın baspasóz máslıhatynda.
Onyń sózine qaraǵanda, halyqqa qyzmet kórsetý ortalyqtaryn ashý qarastyrylyp jatyr.
Janna Pralıevanyń atap ótýinshe, koronavırýstyń taralýynyń deńgeıi bes paıyzdan aspaıtyn kórsetkishte saqtalsa ǵana atalǵan nysandar jumysyn bastaı alady.
Budan buryn habarlanǵandaı, bıyl 18 mamyrdan bastap menshik nysanyna qaramastan mektepke deıingi barlyq bilim berý mekemeleri kezekshi top rejıminde jumystaryn bastaýǵa daıyn.
Sonymen qatar, arnaıy uıymdar, psıhologııalyq-medıtsınalyq ári pedagogıkalyq konsýltatsııalar, psıhologııalyq-pedagogıkalyq túzeý kabınetteri, ońaltý ortalyqtary 18 mamyrdan jumysyn bastaýdy josparlap otyr.
