18 mamyr kúni Jambylda karantındi jeńildetýdiń úshinshi kezeńi bastalady
18 mamyrdan bastap Jambyl oblysynda karantındik sharalardy jeńildetýdiń úshinshi kezeńi kózdelýde. Tıisti sheshimdi oblystyń jedel shtaby koronavırýsqa qatysty ahýal turaqtanǵan jaǵdaıda qabyldaıtyn bolady. Bul týraly resmı saıtqa obys ákiminiń baspasóz qyzmeti habarlady.
«Atap aıtsaq, shashtarazdar men sulýlyq salondarynyń (aldyn ala jazylý boıynsha), syıymdylyǵy 30 adamnan aspaıtyn shaǵyn meıramhanalar men dámhanalardyń, qoǵamdyq tamaqtandyrý oryndarynyń ashyq aýada jumys jasaıtyn jazǵy alańdary, azyq-túlik saýda nysandary men bazarlardyń jumysyn qaıta jandandyrý josparlanýda.
Sonymen qatar, jedel shtab otyrysynda qazirgi tańdaǵy epıdemıologııalyq jaǵdaıdy eskere otyryp, basqa da kommertsııalyq jáne áleýmettik nysandar sııaqty qoǵamdyq kólikterdiń jumysyn qalpyna keltirý máselesi qaralady» delingen habarlamada.
Sondaı-aq, olardyń qyzmetin qalpyna keltirýdiń mindetti sharty - sanıtarlyq-epıdemıologııalyq talaptardy qatań saqtaý.
Jedel shtabtyń naqty sheshimi týraly 18 mamyrda oblys turǵyndaryna buqaralyq aqparat quraldary men áleýmettik jeliler arqyly habarlanady.