18 mamyrda naızaǵaı jarqyldap, jaýyn jaýady

ASTANA. KAZINFORM — Qazgıdromet mamandary 18 mamyr, senbige arnalǵan aýa raıy boljamyn usyndy. 

Ońtústik tsıklony jáne onymen baılanysqan atmosferalyq fronttar áli de el aýmaǵyna óz áserin saqtaıdy.

Saldarynan naızaǵaı jarqyldap, jańbyr jaýady.

Batysta, soltústik-batysta, ortalyqta, ońtústikte, ońtústik-shyǵysta qatty jańbyr, burshaq jaýady, daýyl turady. 

Respýblıka boıynsha jel kúsheıedi, elimizdiń soltústik-batysynda soltústiginde, shyǵysynda jáne ortalyǵynda túngi jáne tańerteńgi ýaqytta tuman túsedi.

Qaraǵandy oblysynyń ońtústiginde, Ulytaý oblysynyń soltústik-batysynda, ońtústiginde, ortalyǵynda, Abaı, Qostanaı oblystarynyń ońtústiginde, Atyraý oblysynyń soltústik-batysynda, Shyǵys Qazaqstan oblysynyń ońtústik-shyǵysynda, Qyzylorda oblysynyń soltústiginde, shyǵysynda, ortalyǵynda, Batys Qazaqstan oblysynyń batysynda, ońtústik-batysynda joǵary órt qaýipi saqtalady, Jetisý oblysynyń soltústiginde joǵary órt qaýpi bar. 

Túrkistan oblysynyń shóldi aýdandarynda, Abaı oblysynyń Úrjar aýdanynda, Jetisý oblysynyń shyǵysynda tótenshe órt qaýpi saqtalady.