18 qyrkúıek. Týǵan kún ıeleri
ESІMDER
73 jyl buryn (1945) Qazaqstan Jazýshylar jáne Jýrnalıster odaǵynyń múshesi, Qazaqstan Jazýshylar odaǵy Qyzylorda oblystyq uıymynyń tóraǵasy, jazýshy RAHMATÝLLA Jaqsylyq dúnıege keldi. Qyzylorda oblysynyń Jańaqorǵan aýdanynda týǵan. Qazaq memlekettik ýnıversıtetiniń (ál-Farabı atyndaǵy Qazaq ulttyq ýnıversıteti) jýrnalıstıka fakýltetin bitirgen. 1979 jyldan bastap Qyzylorda oblysynda Jańaqorǵan aýdandyq «Kommýnızm joly», oblystyq «Lenın joly», Syrdarııa aýdandyq «Syrdarııa» gazetterinde jaýapty qyzmetter atqaryp, 1998-2008 jyldary Qyzylorda oblystyq «Syr boıy» gazetiniń bas redaktory qyzmetin atqarǵan. Ádebı dúnıeleri 1984 jyldan bastap respýblıkalyq baspasózderde jarııalanyp keledi. Onyń «Qolshatyr», «Shyraǵyń sónbesin», taǵy basqa kitaptary jaryq kórdi. «Táýelsizdiktiń 10 jyldyǵy» medalimen, Qazaqstan Respýblıkasy Prezıdentiniń Qurmet gramotasymen marapattalǵan.
66 jyl buryn (1952-2016) memlekettik jáne saıası qaıratker DЬıAChENKO Sergeı Aleksandrovıch dúnıege keldi.
Qazaqstan Respýblıkasy Aqmola oblysynyń Shortandy eldi mekeninde týǵan. 1973 jyly Kýıbyshev josparlaý ıstıtýtynyń ónerkásip-ekonomıka fakýltetin ekonomıst mamandyǵy boıynsha bitirdi. Saıası bilimi bar (Almaty Joǵary partııa mektebi). Saıası ǵylym doktory. Doktorlyq dıssertatsııasynyń taqyryby - «Qazaqstandaǵy demokratııalyq jańǵyrtý máseleleri (saıası taldaý)». Qazaqstan Respýblıkasy Saıası ǵylym Akademııasynyń korrespondent-múshesi. Júzden astam ǵylymı jumystardyń, kitaptardyń, oqýlyqtar men ádistemelik quraldardyń avtory. Eńbek jolyn 1973 jyly Penza oblysy Kýznetsk qalasyndaǵy aspaptyq jabdyqtaý jáne kondensatorlar zaýytynda ınjener-ekonomıst bolyp bastady. 1973 jyly KSRO Qarýly Kúshteri qataryna áskerı qyzmetke shaqyryldy. Áskerı qyzmetin Reseı Federatsııasynyń Prımore ólkesindegi Qyzyl týly qıyr shyǵys áskerı okrýginde atqardy. Qazirgi ýaqytta - Qazaqstan Respýblıkasy Qarýly Kúshteriniń zapastaǵy polkovnıgi. Áskerı qyzmetten soń týǵan eli Qazaqstanǵa qaıta oralady. On jyl kóleminde Shortandy aýdandyq komıtetiniń nusqaýshysy qyzmetinen Qazaqstan komsomoly Ortalyq Komıtetiniń ekinshi hatshysyna deıingi eńbek jolynan ótti. 1985-1991 jyldary aralyǵynda - Qazaqstan Kompartııasy Kókshetaý qalalyq komıtetiniń birinshi hatshysy jáne sonymen qatar (1990 jyldan bastap) halyq depýtattary Kókshetaý qalalyq keńesiniń tóraǵasy boldy. 1991-1993 jyldary Qazaq KSR Jastar isi, dene tárbıesi jáne sport jónindegi memlekettik komıteti tóraǵasynyń orynbasary, Qazaqstan Respýblıkasy týrızm, dene tárbıesi jáne sport mınıstriniń orynbasary boldy. 1993 -1999 jyldar aralyǵynda qoǵamdyq uıymdarda jumys istedi. 1999 jáne 2005 jyldarda ótken Memleket basshysyn saılaý naýqandarynda Almaty qalasy boıynsha N.Á.Nazarbaevtyń senimdi ókili boldy. 1999-2004 jyldar aralyǵynda - ekinshi saılanǵan Qazaqstan Respýblıkasy Parlamenti Májilisiniń depýtaty. 2004-2007 jyldar aralyǵynda - úshinshi saılanǵan Qazaqstan Respýblıkasy Parlamenti Májilisiniń depýtaty. 2004 jyldyń qarasha aıynan bastap - Qazaqstan Respýblıkasy Parlamenti Májilisi Tóraǵasynyń orynbasary. 2006 jyldan 2009 jylǵa deıin Qazaqstan halyqtary Assambleıasy tóraǵasynyń orynbasary bolyp saılandy. 2007-2009 jyldar aralyǵynda - tórtinshi saılanǵan Qazaqstan Respýblıkasy Parlamenti Májilisiniń depýtaty. 2007 jyldyń qyrkúıek aıynan bastap - Qazaqstan Respýblıkasy Parlamenti Májilisi Tóraǵasynyń orynbasary. 2010 jyldyń naýryz aıynan bastap Qazaqstan Respýblıkasy Prezıdentiniń Jarlyǵymen Aqmola oblysynyń ákimi laýazymyna taǵaıyndaldy. 2012 jyldyń qańtary - 2016 jyldyń naýryzy aralyǵynda - besinshi saılanǵan Qazaqstan Respýblıkasy Parlamenti Májilisiniń depýtaty, Qazaqstan Respýblıkasy Parlamenti Májilisi Tóraǵasynyń orynbasary. Altynshy saılanǵan Qazaqstan Respýblıkasy Parlamenti Májilisiniń depýtaty (03.2016-10.2016). «Nur Otan» halyqtyq demokratııalyq partııasy Saıası Keńesiniń múshesi.
«Qurmet belgisi», «Parasat», I dárejeli «Dostyq» ordenderimen, TMD-nyń «Dostastyq» ordenimen, segiz medalmen, Qazaq KSR Joǵary Keńesiniń Qurmet gramotasymen marapattalǵan.
63 jyl buryn (1955) ǵalym, ónertanýshy, etnograf, fılologııa ǵylymdarynyń doktory, professor, Qazaqstan Respýblıkasy Bilim berý isiniń úzdigi QOŃYRATBAI Tynysbek Áýelbekuly dúnıege keldi. Qyzylorda qalasynda týǵan. Qyzylorda pedagogıkalyq ınstıtýtyn (Qorqyt ata atyndaǵy Qyzylorda memlekettik ýnıversıteti), Almaty memlekettik konservatorııasyn bitirgen. Qyzylorda pedagogıkalyq ınstıtýtynyń oqytýshysy, «Óner» baspasynyń redaktory, «Kitap jarshysy» gazetiniń redaktory, Qazaq pedagogıkalyq ınstıtýty qazaq mýzykasy kafedrasynyń meńgerýshisi, «Mýzyka áleminde», «Qazaq jáne álem ádebıeti» jýrnaldarynyń bas redaktory, L.Gýmılev atyndaǵy Eýrazııa ulttyq ýnıversıtetiniń ǵylymı qyzmetkeri qyzmetterin atqarǵan. Qorqyt ata atyndaǵy Qyzylorda memlekettik ýnıversıtetiniń, Qyzdar memlekettik pedagogıkalyq ýnıversıtetiniń professory. Qazaq mýzykasynyń ejelgi dáýirin tuńǵysh zertteýshilerdiń biri. Eńbekterinde qazaq eposy men etnografııalyq tarıhyn ushtastyra qarastyrady. «Qorqyt ata» atty sımfonııalyq poema, «Dala sýretteri», t.b. sonata, mýzykalyq pesa, ánder jazǵan. Qazaq aýyz ádebıeti, ádebıet tarıhynyń máseleleri men kúıshilik, ánshilik dástúrge arnalǵan birneshe ǵylymı-zertteý eńbekterdiń, kóptegen ǵylymı maqalalardyń avtory.
53 jyl buryn (1965) Qazaqstan Respýblıkasy Qurlyq áskeriniń bas qolbasshysy BEKTANOV Murat Káribaıuly dúnıege keldi. Soltústik Qazaqstan oblysynda týǵan. Kıev joǵary jalpy áskerı komandalyq ýchılışesin, QR Qarýly Kúshtteriniń Áskerı akademııasyn, Reseı Federatsııasy Qarýly Kúshteri Bas shtabynyń Áskerı akademııasyn bitirgen. 1989-1990 jyldary - motoatqyshtar vzvodynyń komandıri. 1990 jyly densanttyq-shabýyldaý vzvodynyń komandıri, 1990-1993 jyldary - desanttyq shabýyldaý batalonynyń barlaý bastyǵy, 1993-1997 jyldary - Almaty joǵary jalpy áskerı komandalyq ýchılışesiniń kýrsanttar rotasynyń vzvod komandıri, 1997-1998 jyldary - motoatqyshtar batalony komandıriniń orynbasary-shtab bastyǵy, 1998 jyly - QR Qorǵanys mınıstrliginiń jaýyngerlik daıarlyq departamentiniń ofıtseri, 1998-2000 jyldary - akademııa tyńdaýshysy, 2000-2001 jyldary - QR Qarýly Kúshteri Bas shtabynyń jedel josparlaý departamentiniń top bastyǵy, aǵa ofıtseri, 2001-2005 jyldary - Respýblıkalyq ulannyń jaýyngerlik qyzmet jáne áskerlerdi daıaraý departamentinde basqarma bastyǵy, jedel basqarý bastyǵy, departament bastyǵy. 2005-2007 jyldary - Bas shtab Áskerı akadesmııasynyń tyńdaýshysy. 2007-2010 jyldary - QR Qorǵanys mınıstrliginiń Shtab bastyqtary komıtetiniń departament bastyǵynyń orynbasary. 2010-2013 jyldary - QR Qorǵanys mınıstrliginiń Shtabtar bastyǵy komıtetiniń jedel josparlaý departamentiniń bastyǵy. Qazaqstan Respýblıkasy «Shyǵys» óńirlik qolbasshylyǵynyń qolbasshysy (2013-2016).
2016 jyldyń qyrkúıek aınyna beri qazirgi qyzmetinde.
51 jyl buryn (1967) QR Qarjy mınıstrliginiń jaýapty hatshysy -TORTAEV Baýyrjan Qadyruly dúnıege keldi. Shyǵys Qazaqstan oblysynda týǵan. Máskeýdiń Eńbek Qyzyl tý ordendi Sergo Ordjonıkıdze atyndaǵy Basqarý akademııasyn bitirgen . 1991-1992 jyldary - Semeı taýarly-shıkizat bırjasy aqparattyq-anyqtama ortalyǵynyń mamany. 1992 jyly - «»Baıgel» ShK ınjener-baǵdarlamashysy. 1992-1993 jyldary «Dıdar» shaǵyn jeke kásiporynnyń bas býhgalteri. 1993-1994 jyldary «Arpa masaǵy» jeke shaǵyn kásipornynyń bas býhgalteri. 1994-1995 jyldary - «Shart» ujymdyq kásiporynynyń kommertsııalyq dırektory. 1995 jyly - «Semeı «Sharýashylyq taýarlary» AQ bas býhgalteri. 1996-1997 jyldary - Semeı oblystyq ekonomıka basqarmasynyń jetekshi, bas mamany. 1997- 1998 jyldary - Semeı qalasy ákimi apparatynyń ekonomıkalyq bóliminiń konsýltanty. 1998-1999 jyldary - Shyǵys Qazaqstan oblystyq statıstıka basqarmasy bastyǵynyń orynbasary. 1999-2002 jyldary - Shyǵys Qazaqstan oblystyq Statıstıka basqarmasy aqparattyq-statıstıkalyq ortalyǵynyń bastyǵy. 2002-2008 jyldary - QR Statıstıka agenttigi tóraǵasynyń orynbasary. 2008-2010 jyldary - QR Ekonomıka jáne bıýdjettik josparlaý mınıstrliginiń Investıtsııalyq saıasat jáne bıýdjettik josparlaý departamentiniń dırektory. 2010-2011 - QR Ekonomıkalyq damý jáne saýda mınıstrligi Investıtsııalyq saıasat jáne josparlaý departamentiniń dırektory; 2014-2017 - QR Prezıdenti Ákimshiligi áleýmettik-ekonomıkalyq monıtorıng bólimi meńgerýshisiniń orynbasary. Atqaryp otyrǵan qyzmetinde - 2017 jyldyń sáýirinen.
«Qazaqstan Konstıtýtsııasyna 10 jyl» (2005) medalimen marapattalǵan.
47 jyl buryn (1971) saıası ǵylymdar kandıdaty, «Qasıetti Qazaqstan» ǵylymı-zertteý ortalyǵynyń basshysy Berik ÁBDІǴALIULY dúnıege kelgen.
Ol Qaraǵandy oblysynda týǵan. Ál-Farabı atyndaǵy Qazaq memlekettik ulttyq ýnıversıtetin bitirgen (1994), tarıhshy, tarıh jáne qoǵamtaný pánderiniń oqytýshysy.
Eńbek joly: Qaraǵandy oblystyq balalar kitaphanasynyń kitaphanashysy (1988-1989); QR Prezıdenti janyndaǵy Qazaqstan strategııalyq zertteýler ınstıtýtynyń ǵylymı qyzmetkeri (1994-1995); bólim meńgerýshisiniń m.a. (1995-1996); ınstıtýt dırektorynyń orynbasary (Almaty) (1997); QR Baspasóz jáne búqaralyq aqparat isteri jónindegi ulttyq agenttiginiń Buqaralyq aqparat quraldary, saraptamalyq-taldaý jumysy jáne baspasózdegi zańnamanyń saqtalýyn baqylaý jónindegi basqarmasy bastyǵynyń orynbasary (Almaty); QR Aqparat jáne qoǵamdyq kelisim mınıstrligi Taldaý, josparlaý jáne reformalardy nasıhattaý basqarmasynyń bastyǵy (Aqmola) (1997); QR Mádenıet, aqparat jáne qoǵamdyq kelisim mınıstrligi Іshki saıasat departamenti dırektorynyń orynbasary (Astana) (1998-1999); QR Qaýipsizdik keńesi Taldaý ortalyǵy meńgerýshisiniń orynbasary (1999-2000); QR Prezıdenti janyndaǵy Qazaqstan strategııalyq zertteýler ınstıtýty dırektorynyń birinshi orynbasary (2000-2001); Temirtaý qalasy ákiminiń orynbasary (2001-2002); Ulttyq zertteýler ınstıtýtynyń dırektory (2002-2003); «Aq jol» QDP Ortalyq apparaty jetekshisiniń orynbasary, birinshi orynbasary (2003-2004); «Saıası bilim berý qory» Qoǵamdyq qorynyń prezıdenti (2004-2005); «Atameken» Qazaqstannyń kásipkerleri men júmys berýshileriniń jalpyulttyq odaǵy» ZTB atqarýshy dırektorynyń keńesshisi (2005-2006); «Atameken» ulttyq damý ortalyǵy» JShS dırektory (2006-2007); QR Prezıdenti Ákimshiliginiń Qazaqstan halqy Assambleıasy hatshylyǵynyń bas ınspektory (2007-2008); QR Prezıdenti Ákimshiliginiń Іshki saıasat bólimi meńgerýshisiniń orynbasary (2008); Prezıdenttiń Memlekettik tildi damytý qorynyń dırektory (2008-2010); Qaraǵandy oblysy Ulytaý aýdanynyń ákimi (2010); Jezqazǵan qalasynyń ákimi (2010-2012); Qostanaı oblysy Arqalyq qalasynyń ákimi (2012-2013); Qaraǵandy oblysy ákiminiń orynbasary (2013); QR Prezıdenti janyndaǵy Qazaqstan Strategııalyq zertteýler ınstıtýty dırektorynyń keńesshisi.
Qazirgi laýazymyn 2017 jyldan beri atqaryp keledi.
«Qazaqstan Respýblıkasynyń táýelsizdigine 10 jyl» (2001), «Astananyń 10 jyldyǵy» (2008) medaldarymen marapattalǵan.
44 jyl buryn (1974) «Almaty» áleýmettik-kásipkerlik korporatsııasy» ulttyq kompanııasy» AQ basqarmasynyń tóraǵasy, Almaty qalasyndaǵy jeńil atlektıka federatsııasynyń prezıdenti ÁZІRBAEV Muhıt Baqytuly dúnıege keldi.
1991-1997 jyldar - Qazaq Memlekettik Basqarý akademııasy (búginde T.Rysqulov atyndaǵy Qazaq Ekonomıkalyq ýnıversıteti).
Eńbek jolyn 1997 jyly Almaty jáne Atyraý qalalaryndaǵy «ABN AMRO Bank» (Gollandııa) enshiles bankinde bastady, 5 jyl ishinde valıýtalyq baqylaý bóliminiń bastyǵy boldy.
2003 jyldan bastap 2006 jylǵa deıin - Astana qalasynda «Qýat-Agro» agroholdıng kompanııasynyń bas dırektory.
2006 jyldan bastap 2009 jylǵa deıin - «Kazkommertsbank» AQ lızıng bólimniń bastyǵy jáne korporatıvtik qatynastar departamentiniń dırektory.
2009 jyldyń tamyz aıynda «Global Building Contract» JShS Baqylaý keńesiniń tóraǵasy bolyp taǵaıyndaldy.
2017 jyldyń shilde aıynan bastap qazirgi qyzmetinde.
«Qazaqstan Respýblıkasynyń Táýelsizdigine - 20 jyl» medalimen, Almaty qalasy ákiminiń Qurmet gramotasymen marapattalǵan.
42 jyl buryn (1976) «Qazaqstan memlekettik-jekeshelik áriptestik ortalyǵy» AQ basqarma tóraǵasynyń birinshi orynbasary - qoǵamnyń bek-keńsesiniń jetekshisi EShІMOVA Dana Aqylbekqyzy dúnıege kelgen.
Eńbek joly: A. Baıtursynov atyndaǵy Qostanaı memlekettik ýnıversıtetinde «Azamattyq quqyq» kafedrasynyń aǵa oqytýshysy, zań fakýlteti dekanynyń oqý-ádistemelik jumys jónindegi orynbasary (1997 jyldan); Qazaqstan Respýblıkasy Ekonomıka jáne bıýdjettik josparlaý mınıstrliginiń ishki ákimshilendirý departamentiniń halyqaralyq salyq alymdary bóliminiń bastyǵy, kadrlar bóliminiń bastyǵy, departament dırektorynyń orynbasary, zań departamentiniń basshysy (2002-2011).
Qazirgi qyzmetin 2011 jylǵy qańtardan beri atqaryp keledi.
199 jyl buryn (1819-1868) frantsýz fızıgi jáne astronom, optıka, mehanıka, elektr magnıti salasynda eńbek etken ǵalym FÝKO Jan Bernar Leon dúnıege keldi.