18 qyrkúıek kúni respýblıkanyń soltústik-batysynda, soltústiginde, soltústik-shyǵysynda jańbyr jaýady dep kútilýde - Qazgıdromet
ASTANA. 17 qyrkúıek. QazAqparat - QR Qorshaǵan ortany qorǵaý mınıstrliginiń «Qazgıdromet» RMK málimetterinshe, 18 qyrkúıek kúni respýblıkanyń soltústik-batysynda, soltústiginde, soltústik-shyǵysynda
atmosferalyq frontaldyq bólikterdiń ótýimen birge keıbir jerlerde jańbyr jaýady dep kútilýde, respýblıkanyń qalǵan bóliginde jaýyn-shashynsyz aýa raıy kútiledi.
Aqmola, Soltústik Qazaqstan, Pavlodar, Qostanaı, Ońtústik Qazaqstan oblystarynda, kúndiz Qaraǵandy oblysynda jeldiń jyldamdyǵy 15-20 m/s deıin kúsheıedi.
Kúndiz Almaty oblysyndaǵy Jalańashkól aýdanynda jel jyldamdyǵynyń 15-20 m/s deıin kúsheıýi kútilýde. Respýblıkanyń ońtústik jáne ońtústik-shyǵysynda, batysynda, soltústik-batysynyń keıbir jerlerinde tótenshe joǵary órt qaýipsizdigi saqtalady.
Jaqyn táýlikterde Ońtústik Qazaqstan oblysyndaǵy Syrdarııa ózeninde Shardara sý qoımasy aǵyndy tolqyndarynyń taralýy esebinen sý deńgeıi kóteriledi. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister kútilmeıdi.
