18 qyrkúıek. Kún raıyna boljam
NUR-SULTAN. QazAqparat - Qazgıdromet 18 qyrkúıekte bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.
QR batys aýdandaryna Soltústik antıtsıklon áser ete bastaıdy – aýa temperatýrasynyń tómendeýi kútiledi. Qazaqstannyń qalǵan terrıtorııasyna Soltústik-batys tsıklony óz áserin saqtaıdy, jańbyr jaýady, naızaǵaı kútiledi, soltústik pen shyǵysta jel kúsheıedi.
Soltústik Qazaqstan oblysynyń shyǵysynda jeldiń 15-20 m/s kúsheıýi kútiledi. Túnde Pavlodar oblysynyń basym bóliginde jeldiń 15-20 m/s kúsheıýi kútiledi. Aqmola oblysynyń soltústik-batysynda tańerteń jáne kúndiz jeldiń 15-20 m/s kúsheıýi kútiledi. Qostanaı oblysynyń soltústigi men shyǵysynda tuman, kúndiz jeldiń 15-20 m/s kúsheıýi kútiledi. Shyǵys Qazaqstan oblysynyń túnde basym bóliginde, kúndiz soltústik-shyǵysynda naızaǵaı, batysy, soltústik-batysy men soltústik shyǵysynda jeldiń 15-20, túnde ekpini 23 m/s kúsheıýi kútiledi. Kúndiz Túristan oblysynyń taýlarynda naızaǵaı, soltústik-batysynda jeldiń 15-20 m/s kúsheıýi kútiledi.
Túnde Batys Qazaqstan oblysynyń soltústiginde, Aqmola oblysynyń batysynda, Qaraǵandy oblysynyń soltústik-batysynda topyryq betinde, Qostanaı oblysynyń soltústigi men shyǵysynda, Soltústik Qazaqstan oblysynyń shyǵysynda 3 gradýs úsik kútiledi.
Almaty, Jambyl, Túrkistan, Qyzylorda, Mańǵystaý, Atyraý, Aqtóbe oblystarynyń basym bóliginde, Qostanaı, Qaraǵandy oblystarynyń ońtústik-batysynda, batysynda, Batys Qazaqstan oblysynyń soltústik-shyǵysynda jáne ońtústiginde, Shyǵys Qazaqstan oblysynyń ońtústiginde tótenshe órt qaýpi saqtalady.
