«18 kılogerts» fılmi Tatarstanda ótken kınofestıvalde Gran-prı jeńip aldy
NUR-SULTAN. QazAqpart - Rejısser Farhat Sháripov túsirgen «18 kılogerts» fılmi HVII Qazan qalasynda ótken HVII Halyqaralyq musylman kınofestıvalinde úzdik tolyqmetrajdy kórkem fılm atalymynda bas júlde – Gran-prıdi jeńip aldy.
Sondaı-aq kınotýyndy «Úzdik operatorlyq jumys» júldesimen (Aleksandr Plotnıkov) marapattaldy.
«18 kılogerts» – bul 90-shy jyldardyń sońyndaǵy jasósprimderdiń ómirinen syr shertetin fılm. Zara Esenamannyń «Hardkor» jelisi boıynsha túsirilgen fılm bıyl aqpan aıynda qazaqstandyq prokatqa shyqqan bolatyn.
Esterińizge sala ketsek, 2020 jyly «18 kılogerts» kórkem fılmi qazaq kınosynyń tarıhynda alǵash ret 36-shy Halyqaralyq Varshava kınofestıvaliniń bas júldesin jeńip alǵan bolatyn. Keıin bul týyndy Germanııanyń Kotbýs qalasynda ótken 30-shy Halyqaralyq kınofestıvalde úzdik dep tanyldy.
Aıta ketsek, búginde rejısser Farhat Sháripov «Ulttyq kınony qoldaý memlekettik ortalyǵy» KEAQ qoldaýymen «Hardkor» atty kezekti fılmin túsirip jatyr. Jańa týyndy búgingi kúngi nashaqorlyq derti týraly baıandaıdy. Jaqyn kúnderi Almatyda fılmniń sońǵy túsirilimderi ótedi.
Óndirisi: Centera Production jáne Altera Pars kınokompanııalary
Rejısseri ári stsenarıı avtory: Farhat Sharıpov
Qoıýshy operator: Aleksandr Plotnıkov
Qoıýshy sýretshi: Alekseı Shındın
Prodıýserler: Dına Jumabek, Farhat Sharıpov
Kreatıv jónindegi prodıýser: ıÝlııa Kım
Kompozıtory: Ilıa Odegov
Kastıng dırektory: Anastasııa Hısamova
Kostıým boıynsha sýretshiler: Anastasııa Makarova, Elızaveta Kýlısh
Grım boıynsha sýretshi: Álııa Shmanova
Kartınanyń dırektory: Talǵat Nurıev
