18 qazan. Tulǵalar týǵan kún
Búgin, 18 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
51 jyl buryn (1972) Shyǵys aımaqtyq áskerı prokýrory Arman Tileýberliuly ShITENOV dúnıege kelgen.
Qaraǵandy oblysynda týǵan. E.A. Býketov atyndaǵy Qaraǵandy memlekettik ýnıversıtetiniń zań fakýltetin bitirgen.
Eńbek joly: 2000 jyly Qaraǵandy oblysy Temirtaý qalasy prokýrorynyń kómekshisi, 2015-2018 jyldary Qaraǵandy qalasynyń Qazybek bı aýdany prokýrorynyń aǵa kómekshisi, Ortalyq óńirdiń áskerı prokýrory, Aqtóbe garnızony áskerı prokýrorynyń orynbasary, Pavlodar garnızonynyń áskerı prokýrory qyzmetterin atqardy.
2018 jyldyń maýsym aıynan bastap qazirgi qyzmetinde.
45 jyl buryn (1978) QR Eńbek jáne halyqty áleýmettik qorǵaý vıtse-mınıstri Nazgúl Erikqyzy SAǴYNDYQOVA dúnıege keldi.
Aqmola oblysynda týǵan. S. Seıfýllın atyndaǵy Aqmola agrarlyq ýnıversıtetin, Qazaq gýmanıtarlyq zań ýnıversıtetin bitirgen.
Eńbek jolyn 2001 jyly QR EHÁQM Áleýmettik qamsyzdandyrý basqarmasy jetekshi mamanynyń m.a. bolyp bastady. 2001-2005 jyldary QR Eńbek jáne halyqty áleýmettik qorǵaý mınıstrliginiń qurylymynda jumys istedi. 2005-2018 jyldary «Memlekettik annýıtettik kompanııa» ómirdi saqtandyrý kompanııasy» AQ basshylyq qyzmetterin atqardy. 2018-2020 jyldary QR Prezıdenti Ákimshiliginiń Іshki saıasat bólimi ınspektorynyń m.a., ınspektory - Áıelder isteri jáne otbasylyq-demografııalyq saıasat jónindegi Ulttyq komıssııa hatshylyǵynyń meńgerýshisi. 2020-2022 jyldary QR Prezıdenti Ákimshiliginiń Іshki saıasat bólimi sektorynyń meńgerýshisi - Prezıdent janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııa hatshylyǵynyń meńgerýshisi boldy.
2022 jylǵy 14 maýsymda QR Eńbek jáne halyqty áleýmettik qorǵaý vıtse-mınıstri qyzmetine taǵaıyndaldy.
43 jyl buryn (1980) QR Parlamenti Májilisiniń VII shaqyrylymynyń depýtaty, QR Prezıdenti janyndaǵy Ulttyq quryltaı múshesi Natalıa Grıgorevna DEMENTЬEVA dúnıege keldi.
Aqmola oblysynyń Kókshetaý qalasynda týǵan. 2002 jyly Sh. Ýálıhanov atyndaǵy Kókshetaý memlekettik ýnıversıtetin Qazaq tili men ádebıeti pániniń muǵalimi mamandyǵy boıynsha, 2010 jyly A. Myrzahmetov atyndaǵy Kókshetaý ýnıversıtetin Pedagogıka jáne psıhologııa magıstri mamandyǵy boıynsha bitirgen.
Eńbek jolyn 2002 jyly «Kókshetaý gýmanıtarlyq-tehnıkalyq lıtseı-mektebi» KMM qazaq tili men ádebıeti pániniń muǵalimi bolyp bastady. 2009-2010 jyldary Abaı Myrzahmetov atyndaǵy «Arna» Kókshetaý kolledjinde dırektordyń ádistemelik jumys jónindegi orynbasary, 2010-2016 jyldary «Kókshetaý gýmanıtarlyq-tehnıkalyq lıtseı-mektebi» KMM dırektordyń tárbıe isi jónindegi orynbasary», 2008-2016 jyldary «Qazaqstan» telearnasynda redaktor, telejúrgizýshi (qosa atqarýshy) boldy. 2016-2021 jyldary – «Kókshetaý gýmanıtarlyq-tehnıkalyq lıtseı-mektep» KMM dırektory. 2021 jyly QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi.
2023 jylǵy 28 naýryzdan bastap – «AMANAT» partııasy» QB atynan saılanǵan QR Parlamenti Májilisiniń depýtaty.
42 jyl buryn (1981) «Azamattyq bastamalardy qoldaý ortalyǵy» KeAQ basqarma tóraǵasy Ǵalym Polatuly QURMAN dúnıege keldi.
Túrkistan oblysynda týǵan. 2002 jyly M. Áýezov atyndaǵy Ońtústik Qazaqstan memlekettik ýnıversıtetin qarjy jáne nesıe mamandyǵy boıynsha, 2005 jyly Halyqaralyq gýmanıtarlyq-tehnıkalyq ýnıversıtetin zańger mamandyǵy boıynsha bitirgen.
Eńbek joly: 2003-2005 jyldary QR Ekonomıka jáne bıýdjettik josparlaý mınıstrligi Aqparattandyrý jáne ınnovatsııalar salasyndaǵy shyǵystardy josparlaý departamenti Aqparattandyrý jáne ınnovatsııalar salasyndaǵy bıýdjettik baǵdarlamalar basqarmasynda bólim jetekshisi, bas maman, 2005-2011 jyldary respýblıkalyq bıýdjettiń atqarylýyn baqylaý jónindegi esep komıtetiniń jıyntyq-taldaý departamenti monıtorıng jáne aqparattyq qamtamasyz etý sektorynyń konsýltanty, bas sarapshysy, 2011-2018 jyldary Astana qalasy boıynsha tekserý komıssııasynyń múshesi, 2018-2019 jyldary Túrkistan oblysy Jetisaı aýdany ákiminiń orynbasary qyzmetin atqardy. 2019 jyly Shymkent qalasy boıynsha tekserý komıssııasynyń múshesi, 2019-2020 jyldary «Nur Otan» partııasy Ortalyq apparaty basshysynyń orynbasary, «Unipak» JShS qarjylyq keńesshisi boldy. 2021-2022 jyldary «Azamattyq bastamalardy qoldaý ortalyǵy» KeAQ basqarma tóraǵasynyń mindetin atqarýshy.
2022 jyldyń tamyz aıynan bastap qazirgi qyzmetinde.
«QR táýelsizdigine 25 jyl» medalimen, ІІІ dárejeli «Qarjy saqshysy» tósbelgisimen marapattalǵan.
54 jyl buryn (1969) «Kazakhmys Copper» AQ dırektorlar keńesiniń tóraǵasy Edýard Vıktorovıch OGAI dúnıege keldi.
Qazaq memlekettik agrarlyq ýnıversıtetin bitirgen.
Eńbek jolyn 1992-1996 jyldary kásipkerlikten bastady. 1996-1997 jyldary «Qazresýrs» AQ prezıdenti, 1997-2001 jyldary «Petrokaz» JShS dırektory, 2001-2005 jyldary «Qazaqmys» korporatsııasy» AQ atqarýshy dırektory, 2005-2006 jyldary Shyǵys Qazaqstan oblysy ákiminiń orynbasary, 2006 jyly «Kazakhmys Pls» korporatıvtik damý jónindegi dırektory, «Qazaqmys» hokkeı klýbynyń prezıdenti qyzmetin atqardy. 2011-2014 jyldary «Kazakhmys PLC» dırektorlar keńesiniń múshesi, 2006-2016 jyldary «Qazaqmys korporatsııasy» JShS basqarma tóraǵasy, dırektorlar keńesiniń múshesi, 2014-2019 jyldary «Qazaqmys Holdıng» JShS dırektorlar keńesiniń tóraǵasy, 2019-2020 jyldary «Kazakhmys Copper» AQ birinshi basshysy boldy.
2020 jyly «Kazakhmys Copper» AQ dırektorlar keńesiniń tóraǵasy qyzmetine taǵaıyndaldy.
«Qurmet» ordeniniń, ІІІ dárejeli «Barys» ordenderiniń ıegeri.
