18 qazan. Týǵan kún ıeleri
ESІMDER
52 jyl buryn (1966) Qazaqstan Respýblıkasy Investıtsııalar jáne damý mınıstrliginiń jaýapty hatshysy Zamır Sadyquly SAǴYNOV dúnıege keldi.
Qurylysshy-ınjener mamandyǵy boıynsha Óskemen qurylys-jol ınstıtýtyn bitirgen.
Eńbek jolyn 1991 jyly aǵa jol sheberi bolyp bastaǵan. Fýrmanov aýdandyq avtojol mekemesiniń proraby, bas ınjeneri, «Oralavtojol» Oral qazynalyq kásipornynyń bas ınjeneri, jol qozǵalysynyń qaýipsizdigi, joldy saqtaý jáne baılanys bóliminiń bas mamany bolyp jumys istegen.
1999-2006 jyldary - «Qazaqavtojol» RMQK Batys-Qazaqstan oblystyq fılıalynyń dırektorynyń paıdalaný jónindegi orynbasarynyń mindetin atqarýshy, bas ınjeneri, Batys Qazaqstan memlekettik avtomobıl joldary mekemesiniń dırektory, Batys Qazaqstan oblysy Kaztalov aýdanynyń ákimi. 2006 - 2007 jyldary - QR Kólik jáne kommýnıkatsııa mınıstrliginiń Kólik ınfraqurylymyn damytý komıteti tóraǵasynyń birinshi orynbasary. 2007 jylǵy qańtardan jeltoqsanǵa deıin Qazaqstan Respýblıkasy Kólik jáne kommýnıkatsııa mınıstrliginiń Kólik ınfraqurylymyn damytý komıtetiniń tóraǵasy qyzmetin atqarǵan. 2007 - 2014 jyldary - QR Kólik jáne kommýnıkatsııa mınıstrliginiń Avtomobıl joldary komıtetiniń tóraǵasy qyzmetin atqarǵan. 2014 jylǵy naýryz-tamyz aralyǵynda QR Kólik jáne kommýnıkatsııa mınıstrliginiń jaýapty hatshysy boldy. 2015 jylǵy tamyzdan qazirgi qyzmetinde.
QR «Qurmet» ordenimen, «Eren eńbegi úshin» medalimen nagradtalǵan
47 jyl buryn (1971) Qazaqstan Respýblıkasy Densaýlyq saqtaý mınıstri Eljan Amantaıuly BІRTANOV dúnıege keldi.
Jambyl qalasynda dúnıege keldi. Almaty memlekettik medıtsına ýnıversıtetin, Arızona shtatynyń ýnıversıtetin, Reseı dıplomnan keıingi medıtsınalyq bilim akademııasyn, Sharıte Ýnıversıtettik klınıkasyn (Germanııa), Turan ýnıversıtetin, Duke University, Fugua School of Business (AQSh), Global Executive MVA magıstratýrasyn bitirdi. Almaty qalasynda jedel medıtsınalyq kómek aýrýhanasynyń reanımatolog-dárigeri, Respýblıkalyq toksıkologııa ortalyǵynyń basshysy, QR Densaýlyq saqtaý mınıstrliginiń bas toksıkology, QR Densaýlyq saqtaý mınıstrliginiń «Densaýlyq saqtaýdy damytý ınstıtýty» RMK dırektory, QR Premer-Mınıstriniń keńesshisi, «Ulttyq medıtsınalyq holdıng» AQ Basqarma tóraǵasynyń orynbasary, QR Densaýlyq saqtaý vıtse-mınıstri, «Ulttyq medıtsınalyq holdıng» AQ Basqarma tóraǵasy bolyp jumys istedi. 2014 jylǵy mamyrdan bastap - Memlekettik-jekeshelik áriptestik jobalaryn súıemeldeý ortalyǵy basqarmasynyń tóraǵasy. 2015 jylǵy qarashadan bastap - QR Densaýlyq saqtaý jáne áleýmettik damý vıtse-mınıstri. Qazaqstan Respýblıkasynyń densaýlyq saqtaý isiniń úzdigi. Medıtsına ǵylymynyń doktory. 2017 jylǵy qańtardan bastap qazirgi qyzmetinde.
58 jyl buryn (1960) tanymal ártis, ári rejısser JAN-KLOD Van Damm(shyn ata-tegi - Van Varenberg) dúnıege keldi.
Belgııada týǵan. Bala kúninde baletpen shuǵyldansa, odan keıin karatemen jáne kıkboksıngpen aınalysyp, 1980 jyly Eýropa chempıony atanady. Bir jyldan keıin AQSh-qa kelip, 1983 jyldan bastap kıno salasyna bet burdy. 1986 jyly túsirilgen «Berilme de, taısalma!» kınosyndaǵy somdaǵan róli qalyń buqarany dúr silkindirdi. Odan keıin shet el kórermenderine, onyń ishinde, Azııa jurtshylyǵynyń nazaryna arnap, shyǵys jekpe-jek ónerin pash etetin, 1987 jyly túsirilgen «Qandy sport», 1988 jyly «Qara qyran», «Kıborg» jáne 1989 jyly «Kıkbokser» fılmderinde oınady. Sondaı-aq ózi de jekpe-jekke arnalǵan birqatar shyǵarmalar, basqa rejısserlermen birlesip «Eki ese soqqy» fılmin túsirdi. 1990 jyldary AQSh-ta túsirilgen birneshe fılm ony álemdik deńgeıdegi juldyzǵa aınaldyrdy.