18 qazan kúngi aýa raıy boljamy: Qazaqstannyń eki oblysynda úsik júrýi múmkin

ASTANA. KAZINFORM — «Qazgıdromet» RMK 18 qazanǵa jasalǵan sınoptıkalyq jaǵdaı men qaýipti meteorologııalyq qubylystarǵa qatysty aýa raıy boljamyn jarııalady, dep habarlaıdy Kazinform agenttigi.

Sınoptıkterdiń boljamynsha, Qazaqstannyń basym bóliginde jaýyn-shashynsyz aýa raıy kútiledi. Tek elimizdiń soltústik, ortalyq jáne shyǵys óńirlerinde atmosferalyq frontaldy bólikterdiń ótýine baılanysty jańbyr men qar jaýady. Keı jerlerde tuman túsip, jel kúsheıýi múmkin.

Qostanaı jáne Soltústik Qazaqstan oblystarynda túnde -1-3 gradýs úsik júrýi yqtımal.

Al elimizdiń ózge aımaqtarynda aýa raıy turaqty bolady dep boljanyp otyr.

«Qazgıdromet» RMK-niń 18 qazanǵa arnalǵan daýyldy eskertýlerine keńirek toqtalsaq.

18-24 qazan aralyǵynda Almaty oblysynyń soltústiginde tótenshe órt qaýpi, oblystyń batysynda joǵary órt qaýpi saqtalady.

Jetisý oblysynda ońtústik-shyǵystan jel soǵady, Alakól kólderi aýdanynda ekpini 15-20, keı ýaqyttarda 23-28 m/s.

Jambyl oblysynda soltústik-batystan jel soǵady, oblystyń taýly aýdandarynda 15-20 m/s kútiledi. Oblystyń batysynda, soltústiginde tótenshe órt qaýpi, oblystyń ortalyǵynda joǵary órt qaýpi saqtalady.

Túrkistan oblysynda soltústik-batystan jel soǵady, oblystyń taý asýlarynda kúshi 15-20 m/s. Oblysta tótenshe órt qaýpi saqtalady.

Shymkent qalasynda tótenshe órt qaýpi saqtalady.

Qyzylorda oblysynyń soltústiginde 2 gradýs úsik kútiledi. Tótenshe órt qaýpi, oblystyń soltústiginde, ortalyǵynda joǵary órt qaýpi saqtalady.

Aqtóbe oblysynyń ońtústiginde, shyǵysynda joǵary órt qaýpi saqtalady, oblystyń batysynda, soltústik-shyǵysynda, ortalyǵynda tótenshe órt qaýpi saqtalady.

Túnde jáne tańerteń Batys Qazaqstan oblysynyń batysynda, soltústiginde, shyǵysynda tuman kútiledi. Oblystyń ońtústiginde tótenshe órt qaýpi saqtalady.

Túnde jáne tańerteń Atyraý oblysynyń soltústiginde, batysynda tuman kútiledi. Oblystyń soltústiginde, ońtústiginde, shyǵysynda tótenshe órt qaýpi saqtalady, oblystyń soltústik-shyǵysynda, ońtústik-shyǵysynda joǵary órt qaýpi kútiledi.

Mańǵystaý oblysynda joǵary órt qaýpi saqtalady.

Qostanaı oblysynyń batysynda, soltústiginde, shyǵysynda kóktaıǵaq kútiledi. Túnde jáne tańerteń oblystyń soltústiginde, shyǵysynda tuman. Soltústik-batystan jel soǵady, kúndiz oblystyń soltústiginde, shyǵysynda ekpini 15-20 m/s Oblystyń ońtústiginde tótenshe órt qaýpi saqtalady, oblystyń ońtústik-batysynda joǵary órt qaýpi saqtalady.

Túnde jáne tańerteń Aqmola oblysynyń batysynda, soltústiginde tuman kútiledi. Ońtústik-shyǵystan soǵatyn jel ońtústik-batysqa aýysady, kúndiz oblystyń batysynda, soltústiginde, shyǵysynda ekpini 15-20 m/s. Oblystyń ońtústik-batysynda joǵary órt qaýpi saqtalady.

Soltústik Qazaqstan oblysynda jaýyn-shashyn (jańbyr, qar) kútiledi. Oblystyń batysynda tuman, kóktaıǵaq kútiledi. Ońtústik-shyǵystan soǵatyn jel ońtústik-batysqa aýysady, oblystyń soltústiginde, shyǵysynda ekpini 15-20 m/s.

Pavlodar oblysynyń batysynda, soltústiginde, shyǵysynda ońtústik-shyǵystan jel soǵady, ekpini 15-20 m/s kútiledi.

Abaı oblysynda jel shyǵystan, ońtústik-shyǵystan soǵady, kúndiz oblystyń ortalyǵynda ekpini 15-20 m/s. Ońtústiginde joǵary órt qaýpi saqtalady.

Shyǵys Qazaqstan oblysynda jel shyǵystan, ońtústik-shyǵystan soǵady, kúndiz oblystyń shyǵysynda, ortalyǵynda ekpini 15-20 m/s.

Ulytaý oblysynyń ońtústiginde tótenshe órt qaýpi, oblystyń shyǵysynda, ortalyǵynda joǵary órt qaýpi saqtalady.

Eske sala ketsek, buǵan deıin qarasha aıynda Qazaqstannyń basym bóliginde kóbinese qar túrindegi jaýyn-shashyn bolatynyn habarlaǵanbyz. Ońtústik jáne ońtústik-batys aımaqtarda qar aralas jańbyr jaýýy múmkin.