18 qazan - QR Rýhanı kelisim kúni
ASTANA. 9 qazan. QazAqparat - 10 qazan kúni QR Ulttyq akademııalyq kitaphanasynda Qazaqstanda 18 qazan kúni atap ótiletin Rýhanı kelisim kúni merekesiniń 20 jyldyǵyna arnalǵan baspasóz máslıhaty ótedi.
Bul týraly Qazaqstan halqy Assambleıasy men «Mır cherez kýltýrý» halyqaralyq qaýymdastyǵynan habarlady.
Baspasóz máslıhatyna Qazaqstan halqy Assambleıasy tóraǵasynyń orynbasary E.Toǵjanov, «Rýhanı Kelisim Kongresi» Halyqaralyq qoǵamdyq qorynyń prezıdenti, QR Parlament Senatynyń depýtaty T.Muhamedjanov qatysady.
Osydan 20 jyl buryn, 1992 jylǵy 18 qazan kúni Almatyda 1-shi Búkilálemdik Rýhanı Kelisim Kongresi ótken bolatyn. Bul kúni adamzat tarıhynda tuńǵysh ret barlyq din ókilderi, qoǵamdyq dinı uıymdardyń ókilderi, din máselesi jóninde oı-pikir talastyryp júrgen belgili ǵalymdar men mádenıet qaıratkerleri bir ústel basynda jınaldy. Dál osy kúni, 18 qazanda týra bir ǵasyr buryn AQSh-tyń Chıkago qalasynda osyndaı sezd shaqyrýǵa talpynys jasalǵan, alaıda bul áreket sátsiz boldy.
