18 qarashada eldiń birneshe óńirinde qar jaýyp, ekpini kúshti jel soǵady
ASTANA. KAZINFORM — 18 qarashada Qazaqstannyń birneshe óńirinde qar, jańbyr jaýyp, kóktaıǵaq bolady, tuman túsip, burqasyn men ekpini kúshti jel soǵady.
Pavlodar oblysynda túnde jáne tańerteń batysynda, shyǵysynda jáne ortalyǵynda, sondaı-aq Pavlodar qalasynda tuman túsedi.
Almaty oblysynda túnde jáne tańerteń ońtústigi men taýly aýdandarynda tuman bolady. Shyǵys jáne ońtústik-shyǵystan soǵatyn jeldiń ekpini shyǵysy men taýly aýdandarynda 15–20 m/s, shyǵysynda keı ýaqytta 25 m/s-qa jetedi. Soltústigi men shyǵysynda órt qaýpi joǵary.
Almatyda túnde jáne tańerteń tuman túsedi. Medeý jáne Bostandyq aýdandarynyń taýly aımaqtarynda da tuman bolyp, ońtústik-shyǵystan soǵatyn jeldiń ekpini keı ýaqytta 15–20 m/s-qa jetedi.
Soltústik Qazaqstan oblysynda túnde batysy men ońtústiginde qar jaýyp, burqasyn soǵyp, kóktaıǵaq bolady. Kúndiz batysy men ońtústiginde jańbyr men qar jaýyp, soltústiginde azdaǵan jaýyn-shashyn túsedi. Batysynda, soltústiginde jáne ońtústiginde burqasyn soǵyp, kóktaıǵaq bolady. Túnde jáne tańerteń batysynda tuman túsýi múmkin. Ońtústik-shyǵystan soǵatyn jeldiń ekpini batysy, soltústigi men ońtústiginde 15–20 m/s, kúndiz batysy men ońtústiginde keı ýaqytta 23–28 m/s bolady. Petropavlda kúndiz azdaǵan jaýyn-shashyn túsip, burqasyn soǵyp, kóktaıǵaq bolady. Jel ekpini 15–20 m/s-qa jetedi.
Abaı oblysynda túnde jáne tańerteń soltústigi men ońtústik-shyǵysynda tuman túsedi. Shyǵys jáne ońtústik-shyǵystan soǵatyn jeldiń ekpini ońtústik-batysy men ortalyǵynda 15–20 m/s bolady.
Shyǵys Qazaqstan oblysynda túnde jáne tańerteń soltústigi men shyǵysynda, sondaı-aq Óskemen qalasynda tuman túsedi. Soltústik-shyǵystan jáne shyǵystan soǵatyn jeldiń ekpini ońtústik-shyǵysy men ońtústiginde 15–20 m/s bolady.
Aqmola oblysynda túnde batysy, soltústigi men ońtústiginde qar jaýyp, kóktaıǵaq bolady. Kúndiz jańbyr men qar aralas jaýyn-shashyn túsip, kóktaıǵaq bolady. Túnde jáne tańerteń atalǵan aýdandarda tuman túsedi. Ońtústik-shyǵystan soǵatyn jel ońtústik-batysqa aýysyp, tańerteń jáne kúndiz batysy men soltústiginde ekpini 15–20 m/s-qa jetedi.
Mańǵystaý oblysynda túnde jáne tańerteń soltústiginde tuman túsedi. Ońtústik-shyǵystan soǵatyn jeldiń ekpini batysy men ortalyǵynda 15–20 m/s bolady. Aqtaýda da ońtústik-shyǵystan jel soǵyp, ekpini 15–20 m/s-qa jetedi.
Túrkistan oblysynda batysy, ońtústigi, taýly jáne taý bókterindegi aýdandarynda jańbyr jaýyp, tuman túsedi. Ońtústiginde naızaǵaı oınaıdy. Ońtústik-shyǵystan soǵatyn jel soltústik-shyǵysqa aýysyp, taýly asýlarda ekpini 15–20 m/s bolady. Túrkistanda túnde jáne tańerteń tuman túsedi.
Shymkentte túnde jáne tańerteń tuman bolady.
Qyzylorda oblysynda túnde ońtústigi men shyǵysynda negizinen jańbyr túrinde azdaǵan jaýyn-shashyn túsip, kóktaıǵaq bolady. Túnde jáne tańerteń soltústigi, ońtústigi men ortalyǵynda tuman túsedi. Ońtústik-batysy men soltústiginde órt qaýpi joǵary. Qyzylordada da túnde jáne tańerteń tuman bolady.
Batys Qazaqstan oblysynda túnde soltústigi men shyǵysynda jańbyr men qar aralas azdaǵan jaýyn-shashyn túsip, kóktaıǵaq bolady. Túnde jáne tańerteń batysy, soltústigi men shyǵysynda tuman túsedi. Ońtústik-batystan jáne ońtústikten soǵatyn jeldiń ekpini kúndiz batysy men soltústiginde 15–20 m/s-qa jetedi. Oralda túnde jáne tańerteń tuman túsip, joldarda kóktaıǵaq bolady.
Qostanaı oblysynda túnde batysy, soltústigi men ońtústiginde qar jaýyp, kóktaıǵaq bolady. Kúndiz batysy, soltústigi men shyǵysynda jańbyr men qar aralas jaýyn-shashyn túsedi. Túnde jáne tańerteń atalǵan aýdandarda tuman túsýi múmkin. Ońtústik-shyǵystan soǵatyn jeldiń ekpini kúndiz batysy, soltústigi men shyǵysynda 15–20 m/s bolady. Qostanaıda túnde qar jaýyp, kóktaıǵaq bolsa, kúndiz jańbyr aralas qar jaýyp, jel ekpini 15–20 m/s-qa jetedi.
Ulytaý oblysynda túnde jáne tańerteń ortalyǵynda jańbyr men qar aralas azdaǵan jaýyn-shashyn túsip, kóktaıǵaq bolady. Batysy, soltústigi men ortalyǵynda tuman túsedi. Ońtústik-batystan jáne ońtústikten soǵatyn jeldiń ekpini soltústiginde 15–18 m/s bolady. Jezqazǵanda túnde jáne tańerteń azdaǵan jaýyn-shashyn túsip, kóktaıǵaq bolady.
Qaraǵandy oblysynda túnde jáne tańerteń batysy, shyǵysy men ońtústiginde tuman túsedi. Ońtústik-shyǵystan soǵatyn jel ońtústik-batysqa aýysyp, batysynda ekpini 15–18 m/s bolady.
Atyraý oblysynda túnde jáne tańerteń batysy men soltústiginde tuman túsedi.
Jambyl oblysynda soltústigi, ońtústigi men taýly aýdandarynda tuman bolady. Ońtústik-shyǵystan soǵatyn jeldiń taýly aýdandardaǵy ekpini 15–20 m/s-qa jetedi.
Aqtóbe oblysynda túnde shyǵysynda jańbyr men qar aralas jaýyn-shashyn túsip, kóktaıǵaq bolady. Túnde jáne tańerteń soltústigi men shyǵysynda, sondaı-aq Aqtóbe qalasynda tuman túsedi.
Jetisý oblysynda Alakól kólderi aýdanynda ońtústik-shyǵystan soǵatyn jeldiń ekpini 15–20 m/s, keı ýaqytta 23–28 m/s, túnde 30 m/s jáne odan da joǵary bolady. Túnde jáne tańerteń taýly aýdandarynda tuman túsedi. 18–20 qarasha aralyǵynda oblystyń ońtústik-shyǵysynda órt qaýpi joǵary.