18 qarasha - Búkilálemdik JKO qurbandaryn eske alý kúni
ASTANA 17 qarasha. QazAqparat - Jyl saıyn Qazaqstanda jáne búkil álemde BUU qararyna sáıkes qarashanyń úshinshi jeksenbisi Búkilálemdik JKO qurbandaryn eske alý kúni bolyp tabylady.
Jyl saıyn jol-kólik oqıǵalarynyń qurbandaryn eske alý ıdeıasy, osy kúndi 1993 jyldan bastap atap ótip kele jatqan RoadPeace ulybrıtandyq JKE qurbandaryna kómek kórsetý qaıyrymdylyq qorynan týyndady.
2005 jyldyń 26 qazanynda BUU-nyń Bas Assambleıasy óz qararynda búkil álem boıynsha barlyq múshe elderdi Búkil álemdik JKE qurbandaryn eske alý kúni retinde belgilep, ony qarashanyń úshinshi demalysynda atap ótýine shaqyrdy.
Aktsııanyń maqsaty:
- joldarda qaza bolý, jaraqattanýdyń jan túrshigerlik aýqymyna jáne barlyq jol qozǵalysy qatysýshylarynyń yqtımal qaýip-qaterine nazar aýdarý;
- apattylyqtyń aldyn alý jáne joldarda quqyq buzýshylyqtarǵa qatańdatylǵan qarsy is-qımyldy alǵashqy josparǵa shyǵarý;
- ózara syılastyq, jolda qaýipsizdik erejesin saqtaý, júrgizýshilerdiń mádenıetin arttyrý turǵysynan jol qozǵalysy qatysýshylarynyń sanasyn ózgertýge áleýetti qoǵamdyq qoldaý kórsetý;
- JKE-da qaıtys bolǵandardy eske alý jáne aýyr qazaǵa ushyraǵan otbasylarynyń qaıǵysyna ortaqtasý;
Osyǵan baılanysty 2012 jylǵy 12-18 qarasha kúnderi ІІM «Qaýipsiz jol qozǵalysy aptalyǵy» keń kólemdi respýblıkalyq aktsııasyn ótýde, onyń sheńberinde Jol qozǵalysy erejelerin saqtaýǵa jáne jol-kólik jaraqattanýynyń aldyn alýǵa baǵyttalǵan birqatar is-sharalar ótkizilýde.
Qazaqstan Respýblıkasy ІІM-niń Jol polıtsııasy komıteti barlyq júrgizýshilerge 18 qarashada JKO qurbandaryn eske alý kúni, yntymaqtastyq jáne qoldaý belgisi retinde avtomobılde fardyń jaqyn jaryǵyn qosyp, túste (jergilikti ýaqyt boıynsha saǵat 12-de) avtomobıldiń dybys berý sıgnalyn basýyna, osylaısha JKO-da qaza bolǵandar men zardap shekkenderdi eske alýǵa shaqyrdy.
