18 qańtardan JOO-larda qandaı kýrs stýdentteri dástúrli formatta oqıdy

NUR-SULTAN. QazAqparat – 18 qańtardan bastap joǵary oqý oryndarynda qaı kýrs stýdentteri dástúrli formatta oqıdy? Bul suraqqa Ortalyq kommýnıkatsııalar qyzmetinde ótken baspasóz máslıhatynda QR Bilim jáne ǵylym vıtse-mınıstri Mıras Dáýlenov jaýap berdi, dep habarlaıdy QazAqparat tilshisi.

«Qazirgi tańda Qazaqstanda 128 joǵary oqý orny jumys isteıdi. Bilim alýshylardyń kontıngenti – 619 861 adamdy quraıdy. Ózderińiz biletindeı, 2020 jylǵy qyrkúıek aıynda koronavırýs pandemııasyna baılanysty joǵary oqý oryndarynda oqytý protsesi qashyqtan jáne aralas formatta bastaldy. Bul úshin JOO-lar qajetti tsıfrlyq ınfraqurylymmen jabdyqtaý boıynsha jumys júrgizdi», - dedi Mıras Dáýlenov.

Onyń aıtýynsha osy jyldyń 18 qańtarynan bastap 1 kýrs stýdentteri kóbinese dástúrli formatta oqı bastaıdy.

«Naqtyraq aıtqanda, lektsııalar onlaın formatta uıymdastyrylady. Al semınarlar, zerthanalyq jáne praktıkalyq oqýlar dástúrli formatta oqıdy. 2, 3, 4-inshi kýrs stýdentteri úshin oqý formaty burynǵysha qalady. Joǵary oqý oryndary osy formatta stýdentterdi qabyldaýǵa daıyn», - deıdi ol.