18 qańtardan bastap SQO mektepterinde ashanalar ashylady

PETROPAVL. QazAqparat - Soltústik Qazaqstan oblysynyń mektepterinde dúısenbiden bastap ashanalar ashylady. Kezekshi synyp oqýshylary úshin «ystyq tamaq» uıymdastyrylady, dep habarlaıdy QazAqparat.

Koronavırýsqa qarsy vedomstvoaralyq komıssııanyń málimetinshe, mundaı sheshim óńirlik vedomstvoaralyq komıssııada qabyldanǵany.

Bul rette barlyq sanıtarııalyq - epıdemıologııalyq sharalar saqtalýǵa tıis.

Ashananyń toltyrylýy bir ýaqytta 30%-dan aspaýy kerek. Eger ashana 100 oryndyq bolsa, onda bir ýaqytta 30 oqýshy ǵana tamaqtana alady.

Ashana qyzmetkerleri medıtsınalyq betperde taǵýlary kerek jáne betperdelerin ár 3 saǵat saıyn aýystyrylyp turýy tıis.

Ústelder arasyndaǵy qashyqtyq 2 metrden kem bolmaýy kerek.

Tamaqtaný aımaǵynda tazalyq jumystary ár saǵat saıyn júrgizilýi qajet, onymen qatar bólme jıi jeldetilýi kerek.

Ashana qyzmetkerleri úshin mindetti túrde baılanyssyz termometrııasy bar tańerteńgilik súzgi uıymdastyrylady, JRVI belgileri joq qyzmetkerler jumysqa jiberiledi.

Normalardyń saqtalýyna mektep ákimshiligi jaýapty bolady.