18 qańtar. Tulǵalar týǵan kún
Búgin, 18 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
63 jyl buryn (1963) Pavlodar oblysy jer qatynastary basqarmasynyń basshysy Murat Qabyljaparuly HAMITOV dúnıege keldi.
Pavlodar qalasynda dúnıege keldi. R.Rýdenko atyndaǵy Eńbek Qyzyl Tý Ordeniniń Sverdlov zań ınstıtýtyn, Qazaqstan ınnovatsııalyq ýnıversıtetin bitirgen.
Eńbek jolyn 1983 jyly Pavlodar oblystyq atqarý komıtetiniń Іshki ister qyzmetinen bastaǵan. 1990-2018 jyldary Pavlodar oblysynyń prokýratýrasynda jumys istedi. 2018 jyldan bastap óńirdiń memlekettik organdarynda túrli basshylyq qyzmetter atqardy. Pavlodar oblysy jer qatynastary basqarmasynyń Memlekettik qyzmet kórsetý jáne quqyqtyq jumys bóliminiń basshysy bolyp jumys istedi.
Qazirgi qyzmetin 2023 jyldyń qańtar aıynan beri atqaryp keledi.
47 jyl buryn (1979) Qazaqstan Respýblıkasynyń qarjy vıtse-mınıstri Erjan Erikuly BІRJANOV dúnıege keldi.
Soltústik Qazaqstan oblysynda týǵan.
Eńbek jolyn 1999 jyly Soltústik Qazaqstan oblysy boıynsha Salyq komıtetiniń jergilikti salyqtar sektorynyń aǵa salyq ınspektory bolyp bastady. 1999-2004 jyldary SQO boıynsha Salyq komıtetinde jumys istedi. 2004-2014 jyldary QR Qarjy mınıstrliginiń qurylymynda basshylyq laýazymdardy atqardy. 2014 jyly QR Prezıdenti Ákimshiliginiń Áleýmettik-ekonomıkalyq monıtorıng bóliminiń sarapshysy, 2014-2017 jyldary QR Qarjy mınıstrliginiń Memlekettik kirister komıtetiniń Damý jáne jańǵyrtý departamentiniń dırektory bolyp jumys istedi. 2017 jyly «Qazımpeks» respýblıkalyq ortalyǵy» aktsıonerlik qoǵamynyń basqarma tóraǵasynyń orynbasary, 2017-2018 jyldary QR Ulttyq qaýipsizdik komıteti departamentiniń basshysy qyzmetinde boldy. 2018-2020 jyldary «QR Ulttyq qaýipsizdik komıtetiniń memlekettik tehnıkalyq qyzmeti» respýblıkalyq memlekettik kásipornynyń dırektory bolyp jumys istedi. 2020-2021 jyldary QR Ulttyq qaýipsizdik komıteti Shekara qyzmetiniń jumysyn baqylaý jáne úılestirý departamentiniń basshysy laýazymyn atqardy. 2021-2022 jyldary QR eńbek jáne halyqty áleýmettik qorǵaý vıtse-mınıstri boldy.
Qazirgi qyzmetin 2022 jyldyń shildesinen beri atqaryp keledi.
45 jyl buryn (1981) QR Bas kólik prokýrorynyń birinshi orynbasary Sáken Sansyzbaıuly JORABEKOV dúnıege keldi.
Jambyl oblysynda (qazirgi – Taraz) týǵan. 2002 jyly Qazaq gýmanıtarlyq zań ýnıversıtetin quqyqtaný mamandyǵy boıynsha támamdaǵan.
Eńbek joly: Prokýratýra organdaryndaǵy qyzmetin 2002 jyly Oral qalasy prokýrorynyń kómekshisi laýazymynan bastaǵan. Ár ýaqyttarda Batys Qazaqstan, Jambyl, Qostanaı oblystarynyń prokýratýralarynda jáne Bas prokýratýrada qyzmet atqarǵan. Soltústik Qazaqstan oblysy prokýrorynyń orynbasary bolyp qyzmet atqarǵan.
41 jyl buryn (1985) «Qazaqstan turǵyn úı kompanııasy» AQ basqarma tóraǵasy Altaı Shoqanuly KÚZDІBAEV dúnıege keldi.
Almaty qalasynda týǵan. 2005 jyly M.V.Lomonosov atyndaǵy Máskeý memlekettik ýnıversıtetin «Halyqaralyq ekonomıka» mamandyǵy boıynsha bitirgen. 2007 jyly M.V. Lomonosov atyndaǵy MMÝ-de Menedjment magıstri dárejesin aldy.
Eńbek joly: 2008-2009 jyldary «Qazaqstan Halyq Banki» AQ Halyqaralyq enshiles uıymdardy damytý departamentiniń bas mamany, 2009-2012 jyldary «Birinshi nesıelik bıýro» JShS Qarjylyq josparlaý jáne qyzmetterdi damytý bóliminiń basshysy, 2012-2013 jyldary «Memlekettik nesıelik bıýro» AQ Basqarma tóraǵasynyń orynbasary qyzmetinde boldy. 2013 jyly «Báıterek development» AQ-nyń Basqarýshy dırektory – Basqarma múshesi bolyp taǵaıyndaldy. 2015-2020 jyldary «Báıterek development» AQ Basqarma Tóraǵasynyń orynbasary, 2020-2024 jyldary «Qazaqstan turǵyn úı kompanııasy» AQ basqarma tóraǵasynyń orynbasary bolyp qyzmet atqarǵan.
2024 jyldyń maýsym aıynan bastap qazirgi qyzmetinde.
36 jyl buryn (1990) Qazaqstan IT kompanııalary qaýymdastyǵynyń («IT Kazakhstan» brendi) prezıdenti Aıymgúl Aqylbaıqyzy ÁBІLEVA dúnıege keldi.
Petropavlda dúnıege kelgen ol Soltústik Qazaqstan memlekettik ýnıversıtetiniń aqparattyq tehnologııalar fakýltetin bitirgen.
Eńbek joly: Arta Software kompanııasynyń joba menedjeri (2012-2014); «Báıterek» holdıngi janyndaǵy Memlekettik-jekemenshik seriktestik ortalyǵy IT qyzmetiniń basshysy (2014-2016); «Atameken» Ulttyq kásipkerler palatasy janyndaǵy Naryqty monıtorıngteý jáne saraptaý ortalyǵynyń bas dırektory (2016-2019); Arta Services kompanııasynyń bas dırektory (2019).
2025 jyldyń mamyr aıynan bastap qazirgi qyzmetinde.
34 jyl buryn (1992) Qazaqstan Respýblıkasy Energetıka mınıstrliginiń Jańartylatyn energııa kózderi departamentiniń dırektory Álimjan Qambaruly TURAR dúnıege keldi.
Ol Saýtgempton ýnıversıtetin (Ulybrıtanııa) «Bolashaq» baǵdarlamasy boıynsha elektr energetıkasy ınjeneri mamandyǵy boıynsha bitirgen.
Eńbek joly: «KEGOC» AQ jabdyqtardy jóndeý jónindegi elektrık; Astana qalalyq ıAdrolyq jáne energetıkalyq qadaǵalaý jáne baqylaý komıteti bóliminiń bas mamany; Qazaqstan Respýblıkasy Energetıka mınıstrliginiń Elektr energetıkasyn damytý departamentiniń bas mamany; jáne Qazaqstan Respýblıkasy Energetıka mınıstrliginiń Elektr energetıkasyn damytý departamentiniń bólim bastyǵy.
2026 jyldyń qańtar aıynan beri qazirgi qyzmetin atqaryp keledi.