18 qańtar. QazAqparat kúntizbesi
ESTE QALAR OQIǴALAR
1990 jyly KSRO Joǵarǵy Keńesi Prezıdıýmynyń «Qazaq KSR-inde turatyn kóp balaly analarǵa «Batyr Ana» ataǵyn berý týraly» Jarlyǵy jarııalandy.
1992 jyly Aýstrııa Qazaqstan Respýblıkasynyń Táýelsizdigin moıyndady. Al osydan bir aı ótken soń, 1992 jyldyń 19 aqpanynda Qazaqstan men Aýstrııa Respýblıkasy arasynda dıplomatııalyq qatynastar ornady.
2005 jyly Máskeýde Qazaqstan Prezıdenti Nursultan Nazarbaev pen Reseı Prezıdenti Vladımır Pýtın Qazaqstan-Reseı memlekettik shekarasy týraly shartqa qol qoıdy. Shekaranyń jalpy uzaqtyǵy 7 590 shaqyrymdy quraıdy.
2006 jyly Almatydaǵy M. Áýezov atyndaǵy Qazaq akademııalyq drama teatrynda tarıhı-taǵylymdyq «Qazaqtar» dramasynyń premerasy boldy. Qoıylymda qazaq halqynyń óz aldyna memleket bolyp qalyptasý kezeńi sóz bolyp, al negizgi ıdeıasy - túbi de, tegi de bir túrki áleminiń alasapyran myna zamanda qaıta tutasý maqsatyn kózdeıdi.
2011 jyly Astanada DVB-S2 sandyq standartynda teleradıo taratýdyń ulttyq spýtnıktik jelisiniń iske qosylý saltanaty ótti. Spýtnık habar taratýdyń jańa júıesi eldiń barlyq turǵyndaryna, sonyń ishinde shalǵaıda ornalasqan aýyldyq eldi mekenderdiń spýtnıktik kanaldar arqyly 37 respýblıkalyq jáne óńirlik teleradıobaǵdarlama qabyldaýǵa múmkindik týǵyzdy.
2012 jyly Almaty metropolıteniniń mıllıonynshy jolaýshysy belgili boldy. Ol – qalanyń 27 jastaǵy turǵyny Ádiljan Psıaev bolyp shyqty. Almaty metropolıteni 2011 jyldyń 1 jeltoqsanynda iske qosylǵan.
2014 jyly Almatyda Ábilhan Qasteevtiń murajaı-úıi ashyldy. Murajaı sýretshiniń 1957-1973 jyldar aralyǵynda ózi turǵan úıinde ornalasqan. Ondaǵy jádigerler Á.Qasteevtiń óz qolynan shyqqan týyndylary men jeke zattary. Sonymen qatar murajaıǵa onyń sýretteri men qujattary qoıylǵan.
2015 jyly Londonnyń St. Luke's soborynda tanymal qazaq kompozıtory Erkesh Shákeev shyǵarmalarynyń álemdik premerasy ótti. Kesh Marat Beısenǵalıev pen London sımfonııalyq orkestriniń súıemeldeýimen ótti.
2017 jyly «Qazposhta» AQ «Rıo-de-Janeırodaǵy XV Paralımıpıadalyq oıyndar» taqyrybymen «Sport» serııaly poshta markalaryn aınalymǵa shyǵardy.
2018 jyly Qazaqstan Respýblıkasynyń Prezıdentiniń tóraǵalyq etýimen Birikken Ulttar Uıymy Qaýipsizdik Keńesiniń otyrysy boldy. Qaýipsizdik Keńesiniń májilisi «Jappaı qyryp-joıatyn qarýdy taratpaý: sharalar men senim» degen taqyryppen ótti. Qazaqstan keńeske tóraǵa retinde atalǵan sharanyń tujyrymdamasyn usynyp, ony QK-niń barlyq músheleri qoldaǵan bolatyn. Qujatta «Beıbitshilik. XXI ǵasyr» Manıfesi jáne 2017 jyldyń 6 qańtaryndaǵy «Qazaqstannyń qaýipsiz ádil, damyǵan álem úshin jahandyq áriptestikti nyǵaıtý jónindegi tujyrymdy kózqarasy» atty eki qujat negizge alynǵan.
2018 jyly «Qazaqstannyń 100 jalpyulttyq qasıetti jeri» respýblıkalyq tizilimine Aqmola oblysyndaǵy 10 kıeli oryn engizildi. Olar: Qumaı arheologııalyq-etnografııalyq kesheni, Abylaı han alańy, Kenesary úńgiri, Batyǵaı kesenesi, Oqjetpes taýy, Qabanbaı batyr kesenesi, «Bespaqyr» mazary, Baýbek batyr molasy.
2019 jyly Atyraýda qazaq úsh bıine – Tóle bı, Qazybek bı, Áıteke bıge eskertkish ornatyldy. Monýmenttiń bıiktigi 4 metr, qoladan jasalǵan. Eskertkishtiń avtory – tanymal qazaqstandyq músinshi Baqytbek Muhametjanov.
2021 jyly Óskemen qalasynyń jańa logotıpi ázirlendi. Ol resmı is-sharalar men qujattarda, sondaı-aq kádesyı jáne basqa da atrıbýtıkany brendteýde qoldanýǵa arnalǵan. Logotıpte Altaı taýlary men Úlbi ózeniniń Ertiske quıar saǵasy beınelengen.
