18 qalada qan tapsyrý ortalyqtary iske qosylady
ASTANA. KAZINFORM – Jyl basynda Qazaqstan Prezıdenti Qasym-Jomart Toqaev 2026 jyldy Eriktiler jyly dep jarııalap, qoǵamnyń damýyna ár adamnyń azamattyq qatysýy men jeke jaýapkershiliginiń mańyzyn erekshe atap ótti.
Eriktilik — ómir salty, óz múddelerińniń shekarasynan shyǵyp, aınalada bolyp jatqannyń bárine beıjaı qalmaı, áreket etý tańdaýy.
Jańa adamdar Qozǵalysy árbir qazaqstandyqty osy tańdaýǵa qosylyp, áreket arqyly Erikti bolýǵa shaqyrady. Qan tapsyrý — óz qajettilikterińnen asyp, muqtaj adamǵa ómir súrý múmkindigin syılaý. Qandy jasandy túrde jasaý múmkin emes, ony satyp alýǵa nemese tehnologııamen almastyrýǵa bolmaıdy — ol tek adamnyń erikti sheshimi arqyly ǵana paıda bolady.
Jańa adamdar Qazaqstannyń 18 iri qalasynda qan tapsyrý shtabtaryn ashady: Astana, Almaty, Shymkent, Qaraǵandy, Aqtóbe, Taraz, Pavlodar, Óskemen, Semeı, Qostanaı, Qyzylorda, Oral, Atyraý, Aqtaý, Petropavl, Kókshetaý, Taldyqorǵan jáne Túrkistan. Árbir erikti qantapsyr.kz saıtyna tirkelip, qajetti aqparatpen tanysa alady.
Erikti bolý — azamattyq ustanymdy bildirý. Bul ózgerister seniń shette beıjaı qalmaý týraly sheshimińnen bastalatynyn túsiný. Osyndaı áreketter arqyly bir-birine nemquraıly qaramaıtyn, birge qýatty jáne jasampaz orta qurýǵa daıyn adamdary bar qoǵam qalyptasady.
Aıta ketelik qan donorlaryna aqshalaı ótemaqy kólemi ulǵaıtyla ma, joq pa sol jóninde jazǵan edik.
