18-ge tolǵan eki myńǵa jýyq qyz-jigit ulttyq qordan óz úlesin aldy

ASTANA. KAZINFORM — Kámeletke tolǵan qazaqstandyqtar 199 323,1 AQSh dollaryn «Ulttyq qor — balalarǵa» baǵdarlamasy aıasynda paıdalandy. 

«Ulttyq qor — balalarǵa» baǵdarlamasyn iske asyrýdyń 2 aıy ishinde 1 sáýirdegi jaǵdaı boıynsha BJZQ jalpy somasy 199 323,1 AQSh dollaryna 1 992 ótinishti oryndady.

Onyń ishinde baspana jaǵdaıyn jaqsartý maqsatynda — 788 798,04 AQSh dollaryna 788 ótinish, bilim aqysyn tóleý úshin — 120 525,06 AQSh dollaryna 1 204 ótinish oryndaldy.

Baǵdarlamaǵa qatysýshylardyń jalpy sany — 6 919 131 bala.

Onyń ishinde 304 815 qatysýshy 2024 jyly 18 jasqa tolady.

Onyń barlyǵyna 100 AQSh dollary 52 tsent mólsherinde birdeı soma eseptelgen.