18 aqpan. Týǵan kún ıeleri

ASTANA. QazAqparat - Búgin, ıaǵnı 18 aqpan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

81 jyl buryn (1938) «Halyqaralyq aqparattyq tehnologııalar ýnıversıteti» AQ prezıdenti, Halyqaralyq bıznes ýnıversıtetiniń qurmetti prezıdenti Kenjeǵalı Ábenuly SAǴADIEV dúnıege kelgen.

Ol Qostanaı oblysynyń Jangeldın aýdanynda týǵan. Qazaq memlekettik ýnıversıtetin (1960) bitirgen.

Eńbek joly: Qazaq memlekettik ýnıversıtetinde assıstent, aǵa oqytýshy (1960-1963); Máskeý halyq sharýashylyǵy ınstıtýtynyń aspıranty (1963-1966); Almaty halyq sharýashylyǵy ınstıtýtynda ǵylymı-pedagogıkalyq jáne basshylyq qyzmetter atqardy (1966 jyldan); Tselınograd aýyl sharýashylyǵy ınstıtýtynyń rektory (1982-1990); Qazaq memlekettik ekonomıkalyq ýnıversıtetiniń (1993 jyldan Qazaq memlekettik basqarý akademııasy) rektory (1990-1994); QR UǴA prezıdenti (1994-1996); Qazaq memlekettik agrarlyq ýnıversıtetiniń, Halyqaralyq bıznes ýnıversıtetiniń rektory (1996-2004); QR Parlamenti Májilisiniń depýtaty (2004-2007); «Nur Otan» HDP tizimi boıynsha QR Parlamenti Májilisi 4-shi shaqyrylymynyń depýtaty, Ekologııa máseleleri jáne tabıǵat paıdalaný komıtetiniń múshesi (2007-2011); «Atameken» Qazaqstan ulttyq kásipkerler palatasy prezıdıýmynyń múshesi (2010 jyldan). QR UǴA akademıgi, Nıý-Iork Ǵylym akademııasynyń múshesi, QR JM ǴA jáne JM HǴA akademıgi, Pákistan ǴA múshesi (2002).

Eńbek Qyzyl Tý, «Halyqtar dostyǵy», «Qurmet belgisi» ordenderimen jáne medaldarmen marapattalǵan. «Qazaqstannyń Eńbek» sińirgen ǵylym jáne tehnıka qaıratkeri (2003). «Eńbek Qyzyl Tý» (1971), «Halyqtar Dostastyǵy» (1987), «Parasat» (2005), II dárejeli «Barys» ordenderimen; birneshe medalmen marapattalǵan. Kembrıdj ómirbaıan ortalyǵynyń "Jyl adamy - 1992" ataǵyn aldy.

54 jyl buryn (1965) «EXPO & Women» halyqaralyq uıymynyń dırektory Saltanat Temirqulqyzy RAHYMBEKOVA dúnıege keldi.

Ońtústik Qazaqstan oblysynda 1965 jyly týǵan. Qazaq aýyl sharýashylyǵy ınstıtýtyn, Búkilodaqtyq aýyl sharýashylyǵyn elektrlendirý ǵylymı-zertteý ınstıtýtynyń aspırantýrasyn, sondaı-aq E. Bóketov atyndaǵy Qaraǵandy memlekettik ýnıversıtetin bitirgen. Ol ár jyldary QR Kólik jáne kommýnıkatsııa mınıstrliginiń strategııalyq josparlaý jáne halyqaralyq yntymaqtastyq departamentinde, Qurylys jáne turǵyn úı-kommýnaldyq sharýashylyq isteri jónindegi agenttiktiń qurylymdyq bólimshelerinde jumys istedi.2012 jyldan bastap Qazaqstannyń azamattyq alıansy vıtse-prezıdenti, Qazaqstannyń Turǵyn úı-kommýnaldyq sharýashylyq ulttyq palatasy prezıdıýymynyń tóraıymy laýazymynda boldy. Sondaı-aq, 2013 jyldyń naýryzynan «Jasyl» ekonomıka jáne G-Global-dy damytý úshin koalıtsııasynyń Basqarma tóraıymy bolyp saılanǵan.

Qazirgi qyzmetinde 2015 jyldyń tamyz aıynan bastap.

45 jyl buryn (1974) Qazaqstan Respýblıkasy Joǵarǵy sotynyń sýdıasy Aıdyn Maratuly NURBEKOV dúnıege kelgen.

Óskemende týǵan. Ál-Farabı atyndaǵy Qazaq memlekettik ýnıversıtetin bitirgen, zańger (1996).

Eńbek joly: Almaty qalalyq sotynyń konsýltanty, jetekshi konsýltanty (1995-1996); Taldyqorǵan garnızony áskerı soty tóraǵasynyń kómekshisi, QR Ádilet mınıstrligi áskerı sottar basqarmasynyń ınspektor-keńesshisi (1996-1997); QR Áskerı soty tóraǵasynyń kómekshisi (1997-2000); Almaty qalasy Áýezov aýdandyq sotynyń sýdıasy (2000-2004); Almaty qalalyq sotynyń sýdıasy (2004-2007); QR Áskerı sotynyń qylmystyq ister jónindegi alqasynyń tóraǵasy (2007-2010); QR Áskerı soty kassatsııalyq sot alqasynyń tóraǵasy (2010-2015).

Qazirgi laýazymyn 2015 jyldyń jeltoqsanynan beri atqaryp keledi.