18 aqpan kúni Qazaqstanda bolatyn mańyzdy sharalar ańdatpasy
NUR-SULTAN
09.00-de Úkimet úıinde QR Úkimetiniń otyrysy ótedi.
10.00-de Agrarlyq máseleler komıtetiniń agrarlyq ǵylymdy, bilimdi jáne óndiristi ıntegratsııalaý máseleleri boıynsha taqyryptyq otyrysy ótedi.
10.00-de «Parasat» bıznes ortalyǵynda múddeli memlekettik organdar ókilderiniń qatysýymen qalalyq Kásipkerler palatasynyń Kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi keńestiń kezekti otyrysy ótedi.
11.00-de Jastarǵa keńes berý kúni ótedi. Atalmysh sharada árbir azamat óziniń qalaǵan suraǵymen «Qoǵamdyq densaýlyq saqtaý basqarmasy», «Azamattarǵa arnalǵan úkimet» memlekettik korporatsııasy», «Jumyspen qamtý ortalyǵy», «Medıatsııany damytý ortalyǵy» jáne basqa da mekemelerdiń ókilderine jolyǵa alady.
15.00-de «Qazmedıa ortalyǵy» ǵımaratynda QR Indýstrııa jáne ınfraqurylymdyq damý mınıstrliginiń keńeıtilgen alqa májilisi ótedi.
15.00-de L.N.Gýmılev atyndaǵy Eýrazııa ulttyq ýnıversıtetinde «Óner ortalyǵynyń» saltanatty ashylýy bolady.
ALMATY
10.00-de Qazaqstandaǵy Birikken Ulttar Uıymynyń Birinshi ókildiginiń ashylý kúnine jáne BUU-nyń 75 jyldyq merekesine arnalǵan dıskýssııa bolady.
11.00-de QR Ulttyq kitaphanasyndaǵy «Ál-Farabı atyndaǵy ǵylymı ortalyǵynda» Qazaqstan Jýrnalıster odaǵynyń jáne M. Averın atyndaǵy Soltústik Qazaqstan oblystyq ádebı birlestiginiń múshesi, jazýshy Mıhaıl Sergeevıch Gvozdevpen shyǵarmashylyq kezdesý ótedi.
11.00-de «Ál-Farabı atyndaǵy ortalyqta» uly oıshyl, fılosof Ál-Farabıdiń 1150 jyldyǵy men uly aqyn Abaıdyń 175 jyldyǵyna arnalǵan «Ál-Farabı - Abaı: rýhanı sabaqtastyq máseleleri» atty respýblıkalyq ǵylymı-praktıkalyq dóńgelek ústel ótedi.
12.00-de Qazaqstandyq baspasóz klýbynda jasóspirimderdiń psıhıkalyq densaýlyǵy jáne jasóspirimderdiń sýıtsıdiniń aldyn-alýǵa arnalǵan baspasóz konferentsııasy ótedi.
16.00-de Almaty qalasy ákimdiginiń baspasóz ortalyǵynda Áýezov aýdanynyń 2019 jylǵa arnalǵan áleýmettik-ekonomıkalyq damý qorytyndylary jáne aldaǵy kezeńge arnalǵan jumys josparlary týraly baspasóz konferentsııasy ótedi.