18 adam iz-túzsiz joǵalyp ketken: Qytaı-Nepal shekarasynda kópir opyryldy
ASTANA. KAZINFORM – Qytaı men Nepaldy baılanystyratyn kópir sý tasqynynan opyrylyp qulady, dep habarlaıdy Kazinform Sınhýa agenttigine silteme jasap.
Oqıǵa kezinde 18 adam izim-ǵaıym joǵalǵan. Jergilikti polıtsııanyń málimetinshe, tabylmaı jatqan adamdardyń kópshiligi kópir opyrylar kezde shekara portynda jumys istep jatqan.
Nepaldaǵy Qytaı elshiliginiń habarlaýynsha, iz-túzsiz ketkenderdiń arasynda Qytaıdyń qoldaýymen júzege asyrylǵan baqylaý-ótkizý pýnktiniń Nepal jaǵyndaǵy nysandardy salý jobasyna qatysqan 6 qytaılyq jáne 8 nepaldyq jumysshy bar.
Oqıǵa ornynda Nepal armııasy men polıtsııa bólimsheleriniń qatysýymen jedel izdestirý-qutqarý operatsııasy jalǵasyp jatyr. Aldyn ala málimet boıynsha, qaza tapqan eki adamnyń máıiti tabyldy.
Nepal mýsson maýsymyna endi. Osy kezeńde atalǵan elde jyl saıyn nóser jańbyr jaýyp, sý tasqyny, kóshkin jáne sel tasqyny jıi bolyp, adam shyǵyny jáne aıtarlyqtaı materıaldyq shyǵynǵa ushyraıdy.
Buǵan deıin Pákistan aýmaǵynda tolassyz jaýǵan mýsson jańbyrynan bolǵan sý tasqynynan 72 adam qaza tapqanyn habarlaǵan edik.