18-20 mamyrda Qazaqstannyń basym bóliginde kún sýytyp, jaýyn jaýady
ASTANA. QazAqparat - 18-20 mamyrda Qazaqstannyń soltústik óńirlerinde kún salqyn, al ońtústikte aýa raıy jaýyn-shashyndy bolmaq, dep habarlady «Qazgıdromet» RMK.
«Sýyq antıtsıklon taramdary Qazaqstannyń soltústik óńirlerine taralýda. Bul túngi temperatýranyń tómendeýine alyp kelýde. Taıaý eki táýlikte bul oblystarda sýyq antıtsıklon yqpaly saqtalady. Respýblıkanyń ońtústik, ońtústik-shyǵys, shyǵys oblystary arktıkalyq sýyq aǵyn yqpalynda qalady. Bul jerde aýa normaǵa jýyq jáne normadan joǵary bolady dep kútilýde. Qazaqstannyń batysynda jer-jerlerde ótkinshi jaýyn jaýyp, kún kúrkirep, temperatýra kóteriledi.
Eger ótken táýlikte kúndizgi temperatýrasy + 13...20ºS bolsa, aldaǵy úsh táýlikte + 22...30ºS-qa deıin kóteriledi», - delingen habarlamada.
Astanada 18 mamyrda kún ala bultty, jaýyn-shashynsyz. Jel soltústik-shyǵystan soǵady - 7-12 m/s. Túnde temperatýra -1-3°S, kúndiz +15+17°S. 19 mamyrda kóshpeli bult shyǵady, jaýyn-shashynsyz. Jel ońtústik-shyǵystan soǵady - 5-10 m/s. Túngi temperatýra -1-3°S, kúndiz +17+19°S.
20 mamyrda kóshpeli bult shyǵady, jaýyn-shashynsyz. Jel ońtústik-shyǵystan - 5-10 m/s. Túnde temperatýra +3+5°S, kúndiz +19+21°S bolady.
Almatyda 18 mamyrda kóshpeli bult shyǵady, ótkinshi jaýyn jaýyp, kún kúrkireıdi. Jel ekpini 10 m/s-qa jetedi. Túnde temperatýra +14+16°S, kúndiz +21+23°S.
19 mamyrda kóshpeli bult shyǵyp, ótkinshi jaýyn jaýady. Kún kúrkireıdi. Jeldiń jyldamdyǵy - 0-5 m/s. Túngi temperatýra +9+11°S, kúndiz +21+23°S. 20 mamyrda aýyspaly bult shyǵady, jaýyn-shashynsyz. Jeldiń jyldamdyǵy 0-5 m/s. Túnde +8+10°S, kúndiz +23+25°S bolady.
