18-20 aqpan kúnderi el aýmaǵynda burqasyn soǵyp, qar jaýady
ASTANA. QazAqparat - «Qazgıdromet» RMK 2017 jylǵy 18-20 aqpanǵa arnalǵan aýa raıy boljamyn taratty.
«Ońtústik kaspıı tsıklony jáne oǵan baılanysty atmosferalyq aǵyndar Qazaqstan aýmaǵynan ketedi. Osy tsıkldyń yqpalynan respýblıkanyń basym bóliginde qar jaýsa, ońtústikte - jańbyr. Batys oblystarda arktıkalyq aǵyn júıesimen taǵy bir tsıklon ornalasty.
Qazaqstan aýmaǵy arqyly batystan shyǵysqa ótken olar burqasyn men qalyń qarǵa ulasady. Jeldiń kúshi 15-20 m/s-qa jetip, temperatýra tómendeıdi. Ońtústik jáne ońtústik-shyǵysta taý mańyndaǵy jáne taýly jerlerde demalys kúnderi sýyq aǵyndardyń ótýine baılanysty qalyń qar jaýyp, tuman túsip, kóktaıǵaq bolatyny kútilýde», - delingen sınoptıkter habarlamasynda.
