177 myńǵa jýyq bıznes-jobaǵa 10 trln teńgeden astam jeńildetilgen nesıe men sýbsıdııa berildi
ASTANA. KAZINFORM — Ulttyq ekonomıka mınıstrligi elimizdegi kásipkerlikti qoldaý sharalary jóninde málimdedi.
— «Damý» kásipkerlikti damytý qorynyń jeńildetilgen kredıtteý, sýbsıdııalaý jáne kepildik berý quraldary 2019–2026 jyldar aralyǵynda 176 716 bıznes-jobany qamtydy. Berilgen kredıtterdiń jalpy somasy — 10,2 trln teńge, — delingen habarlamada.
Sonymen birge, memlekettik qoldaý baǵdarlamalaryn iske asyrý kezeńinde (2019-2025 jyldary) kásipkerler shamamen 695 myń jumys ornyn saqtap, 60,5 myń jańa jumys ornyn ashty. Odan bólek, 128 trln teńgeniń ónimin óndirip, bıýdjetke 8,5 trln teńge salyq tóledi.
— 2025 jylǵy maýsymda «Órleý» jeńildetilgen qarjylandyrý baǵdarlamasy iske qosyldy. Baǵdarlamada bank kapıtalynyń úlesi qarjylandyrýdyń jalpy kóleminiń jartysynan asady. 2025 jylǵy sáýirden bastap «Damý» qorynyń bazasynda ShOB-qa jáne iri ınvestıtsııalyq jobalarǵa arnalǵan eki jańa kepildik qory jumys isteı bastady. Al 2025 jylǵy jeltoqsanda aýyldar men shaǵyn qalalarda óńirlerdiń erekshelikterin eskere otyryp, mıkro jáne shaǵyn bıznesti damytýǵa baǵyttalǵan «Іsker aımaq» baǵdarlamasy iske qosyldy, — dep málimdedi mınıstrlik.
Aıta keteıik, buǵan deıin elimizde shaǵyn jáne orta bıznestegi jumys oryndarynyń sany 36,7%-ǵa óskenin jazǵanbyz.
