175 sheteldik taksı júrgizýshisi el aýmaǵynan shyǵaryldy
ASTANA. KAZINFORM — Polıtsııa kóshi-qon zańnamasyn buzǵan 700-ge jýyq sheteldik taksı júrgizýshisin anyqtady

Polisia.kz-tiń málimetinshe, Іshki ister mınıstrligi «Zań men Tártip» qaǵıdasyn qamtamasyz etý maqsatynda, kóshi-qon baqylaýyn nyǵaıtý jáne el aýmaǵynda kóshi-qon zańnamasyn buzǵan sheteldikterdi anyqtaý úshin «Qaýipsiz jol» jedel-profılaktıkalyq is-sharasyn ótkizdi.
— Kóshi-qon qyzmetiniń málimeti boıynsha, is-shara barysynda 5 kún ishinde 46 myń kólik tekserildi, 1 080 sheteldik azamat jeke tasymaldaýmen aınalysqany anyqtaldy. Olardyń 691-i mobıldi qosymshalar arqyly kóshi-qon zańnamasyn buzyp, jeke tasymalmen aınalysqan. 234 sheteldik azamat zańsyz eńbek qyzmetin júzege asyrǵany úshin, 457 sheteldik azamat QR-da bolý merzimin buzǵany úshin jaýapqa tartyldy. Sot sheshimimen 175 sheteldik taksı júrgizýshisi el aýmaǵynan shyǵaryldy, — delingen habarlamada.
Olardyń 103-i jeke basyn anyqtaý úshin qabyldaý-taratý oryndaryna ornalastyryldy. Sonymen qatar 38 qazaqstandyq sheteldik azamattardy zańsyz jumysqa tartqany úshin ákimshilik jaýapqa tartyldy.
Aıta ketelik elimizde 4237 sheteldik zańsyz taksı qyzmetin atqarǵany týraly jazǵan edik.