170 myńǵa jýyq qazaqstandyq búldirshin polıomıelıtke qarsy qosymsha egýmen qamtylmaı qaldy - Densaýlyq saqtaý mınıstrligi
STANA. Qyrkúıektiń 14-i. QazAqparat /Gúlmıra Álıakparova/ - Qazaqstanda 6 jasqa deıingi balalardy polıomıelıtke qarsy qosymsha vaktsınatsııalaý naýqany aıaqtaldy. Naýqannyń qorytyndysyna arnalǵan baspasóz máslıhatynda málim bolǵandaı, egýmen 170 myńǵa jýyq bala qamtylmaı qaldy.
Eske salaıyq, ústimizdegi qyrkúıek aıynyń 6-10 kúnderi aralyǵynda 6 jasqa deıingi balalardy qosymsha bir rettik vaktsınatsııalaý respýblıkalyq sharasy ótkizilgen bolatyn. Naýqannyń bastalýyna oraı ótken baspasóz máslıhatynda QR Densaýlyq saqtaý mınıstri Jaqsylyq Dosqalıev, bes kúnde Qazaqstandaǵy osy jas aralyǵyndaǵy barlyq 2 mıllıonǵa jýyq balany egý josparlanyp otyrǵandyǵyn aıtqan bolatyn.
Búgin Mınıstrliktiń Memlekettik sanıtarlyq-epıdemıologııalyq qadaǵalaý komıteti tóraǵasynyń oyrnbasary Aıjan Esmaǵambetova, shara barysynda barylyǵy 1 656 253 bala egilgendigin málim etti.
170 myńǵa jýyq búldirshinniń egýmen qamtylmaı qalǵandyǵyn olar, vaktsınany jasaýǵa qarsy kórsetkishteri bar balalardyń anyqtalýymen jáne olardyń saparǵa shyǵyp ketýimen baılanystyryp otyr.
«Polıomıelıtke qarsy qosymsha vaktsınatsııany qabyldap úlgermegen balalar ózderiniń turǵylyqty jerleri boıynsha, bolmasa balabaqshalarda egile alady»,- dedi A.Esmaǵambetova.
Onyń aıtýynsha, satyp alynǵan belgııalyq vaktsınalar (barlyǵy 2 mıllıonnan astam doza) Dúnıejúzilik densaýlyq saqtaý uıymymen sertıfıkattalǵan jáne ol eki jylǵa deıin jaramdy.
