170 km/saǵ jyldamdyqpen júrgen júrgizýshiniń kópirden «ushqan» sáti vıdeoǵa túsip qaldy

ASTANA. QazAqparat - Argentınada 170 km/saǵ jyldamdyqpen kelip kópirden qulaǵan kóliktiń júrgizýshisi tiri qaldy. Vıdeobaqylaý kamerasy túsirgen oqıǵa Youtube-ta qyzý talqylanyp jatyr, dep habarlaıdy QazAqparat tilshisi.

Todo Noticias basylymynyń jazýynsha, 19 jastaǵy jigit jeńil kólikti tizgindeı almaı, eki qabatty kópirdiń shetindegi tosqaýyldy buzyp, jerge «ushyp túsken».

Habarlarǵa qaraǵanda, buǵan deıin kólikke jyldamdyǵyn asyrǵany úshin alty ret aıyppul jazylǵan, al kólik jigittiń ógeı ákesine tıesili.

Abyroı bolǵanda, jas jigit aman qalǵan, biraq aýyr halde aýrýhanaǵa jetkizilgen. Apat saldarynan ózge adamdardyń da zardap shekkeni týraly aqparat joq.