17 jyldan keıingi medal: Qazaqstan baıdarka men kanoede esýden «qola» aldy
KANADA. QazAqparat – Baıdarka men kanoede esýden Qazaqstan komandasynyń ókili Vıktor Stepanov Kanadada ótip jatqan Álem chempıonatynyń júldegeri boldy, dep habarlaıdy QazAqparat.
QR Ulttyq olımpıada komıtetinen málim etkendeı, V.Stepanov 200 metr dıstantsııaǵa kanoede esýde qola medal jeńip aldy. Fınalda onyń kórsetkishi 39,44 boldy. Bul nátıje oǵan 6-oryn alyp keldi. Birinshi oryndy polıak Oleksıı Kolıadıch, ekinshi oryndy nemis Nıko Pıkert jeńip aldy.
«Aıta keteıik, Stepanovtyń medali qazaqstandyqtar álem chempıonatynda jeńip alǵan ekinshi júlde boldy. Buǵan deıin quramamyzdyń ókili jeńis tuǵyryna 17 jyl buryn kóterilgen edi. Onda Jeńis Satybaldın jeńiske jetti. Ol 2005 jyly Stepanov úzdik bolǵan dıstsıplınada úshinshi orynǵa taban tiredi», - delingen Ulttyq Olımpıada komıtetiniń habarlamasynda.
