17 jyl buryn N. Nazarbaev Aqmola qalasyn el astanasy etip jarııalaý týraly Jarlyqqa qol qoıdy
ASTANA. QazAqparat - Osydan 17 jyl jyl buryn Elbasy Nursultan Nazarbaevtyń 1997 jylǵy 20 qazandaǵy Jarlyǵymen jáne Qazaqstan Respýblıkasy Parlamentiniń maquldaýymen 1997 jylǵy 10 jeltoqsannan bastap Qazaqstan Respýblıkasynyń astanasy bolyp jarııalandy.
Qazaqstannyń jańa elordasy - Astananyń halyqaralyq tusaýkeseri 1998 jylǵy 10 maýsymda ótkizildi.
Kún ótken saıyn elordamyz halyqaralyq iskerlik jáne mádenı ortalyqqa aınalyp keledi. Qalada ákimshilik, iskerlik, áleýmettik-mádenı, ǵylymı-bilim berý jáne bıznes-ortalyqtardyń, turǵyn úı keshenderiniń, aldyńǵy qatarly memleketter astanalarynyń standarttaryna saı keletin ınfraqurylym nysandarynyń qurylysy jandanyp, boı kóterýde. Elimizdiń basty qalasynda «Almaty», «Saryarqa» jáne «Esil» aýdandary quryldy. Búgingi tańda Astana halqynyń sany 835 myńnan asty.
Astananyń jalpy óńirlik ónimi 2013 jyly 2 trln 700 mlrd teńgeni qurady. Makroekonomıkalyq ósim 6,5 paıyzǵa kóterildi.
Astanadaǵy tereń ári keń kólemdi ózgerister álemdik uıymdar nazarynan tys qalmady. 1999 jyldyń shilde aıynda elordamyz ıÝNESKO-nyń «Álem qalasy» syılyǵyna ıe boldy.
Taǵy bir jetistik, Qazaqstan astanasynyń «EKSPO-2017» halyqaralyq kórmesin ótkizýge bekitilýi boldy. 2014 jylǵy sáýirde kórme kesheni qurylysy ornynda QR Prezıdentiniń qatysýymen kapsýla salý saltanatt y rásimi ótti. EKSPO-2017 kesheniniń jalpy aýmaǵy 174 gektardy quraıdy. Munda 1 mln sharshy metrden astam nysandar turǵyzylady.
