17 jyldan keıingi Gonkongtaǵy iri órt: zardap shekkenderdiń sany artyp barady

ASTANA.KAZINFORM — Gonkongtaǵy turǵyn úı kesheninde tutanǵan órtpen kúresý úshin 767 órt sóndirýshi, 400 polıtsııa qyzmetkeri, 128 órt tehnıkasy jáne 57 jedel járdem kóligi jumyldyryldy. South China Morning Post gazetiniń habarlaýynsha, qutqarýshylardyń barlyq áreketine qaramastan, órtti ázirge aýyzdyqtaý múmkin bolmaı otyr, dep jazdy TASS agenttigi.

Sońǵy málimetke sáıkes, olardyń ishinde bir órt sóndirýshi bar, 13 adam qaza taýyp, 16 adam aýyr jaraqattar men kúıik alǵan. Órt Gonkongtyń jańa terrıtorııasyndaǵy Taı Po aýdanynda ornalasqan «Van Fýk Kort» turǵyn úı kesheniniń segiz bıik ǵımaratyn sharpydy. Jalyn munarany sán úshin bezendirgen bambýk aǵashyna deıin sharpyǵany beligi boldy. Keshende shamamen 2 myń páter bar, onda 4 myńǵa jýyq turǵyn turady.

Bılik ókilderiniń aıtýynsha, keshen turǵyndarynyń basym bóligi qaýipsiz jerge shyǵarylǵan. Resmı derekke sáıkes, 700-den astam adam aýdanda ashylǵan bes ýaqytsha baspanalarǵa ornalastyryldy.

Gonkongtyń (Sıangannyń) Qytaı Halyq Respýblıkasynyń arnaıy ákimshilik aýdany retindegi ákimshiliginiń basshysy Djon Lı (Lı Tszıachao) órtten zardap shekken turǵyndarǵa kómek kórsetý máselesine arnalǵan shuǵyl vedomstvoaralyq keńes ótkizdi. Ákimdiktiń málimetinshe, Іshki ister vedomstvosy, aýdandyq basqarmalar jáne áleýmettik qamtamasyz etý departamenti birlesip arnaıy shtab quryp, «muqtaj turǵyndardy ýaqytsha baspanalarǵa kóshirýdi uıymdastyrdy, sondaı-aq qaza tapqandar men zardap shekkenderdiń otbasylaryna kómek jáne psıhologııalyq qoldaý kórsetti».

Aıta keteıik, Gonkong turǵyn úı keshenindegi órt basqa ǵımarattarǵa tarady.