17 jyl jasyrynyp júrgen qylmystyq toptyń basshysy Qyrǵyzstannan ekstradıtsııalandy
ASTANA. KAZINFORM – Bas prokýratýra Qyrǵyzstan Respýblıkasynan uıymdasqan qylmystyq toppen iri mólsherde alaıaqtyq jasaǵany úshin qylmystyq jaýapqa tartýǵa Qazaqstan azamatyn ekstradıtsııalady.
Tergeý barysynda kúdikti 2007–2008 jyldary Almatyda uıymdasqan qylmystyq toptyń basshysy bolyp, qazaqstandyq bankterdiń birinen 183 mıllıon teńgeden astam aqshany kórineý qaıtarýsyz nesıe berý arqyly urlaǵany anyqtaldy.
Alynǵan aqsha onyń músheleri arasynda bólinip, jeke maqsattaryna paıdalanylǵan.
Qylmys jasaǵannan keıin UQT múshesiniń bir bóligi sottalǵan, al kúdikti qylmystyq qýdalaý organynan jasyrynǵan, osyǵan baılanysty olhalyqaralyq izdeýge jarııalanǵan.
2026 jylǵy aqpanda ol Bishkekte ustalyp, Qazaqstan Respýblıkasy Bas prokýratýrasynyń suraýy boıynsha elge ekstradıtsııalandy.
Qazirgi ýaqytta kúdikti tergeý ızolıatoryna qamaldy.
Aıyp taǵylǵan qylmystar úshin múlki tárkilenip, 12 jylǵa deıin bas bostandyǵynan aıyrý jazasy kózdelgen.
Aıta ketelik jıyrma jyl boıy izdeýde júrgen kúdikti Qazaqstanǵa ekstradıtsııalanǵan edi.
