17 jeltoqsan. Tulǵalar týǵan kún
Búgin, 17 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
70 jyl buryn (1954) Qazaq sport jáne týrızm akademııasynyń prezıdenti Qaırat Haırollauly ZAKIRЬıANOV dúnıege keldi.
Shyǵys Qazaqstan oblysynda týǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.
1993-1995 jyldary Shyǵys Qazaqstan memlekettik ýnıversıtetiniń rektory, oblys ákiminiń orynbasary, 1995-1998 jyldary QR Prezıdenti Ákimshiligi ishki saıasat bóliminiń sektor meńgerýshisi bolǵan.
Qazirgi qyzmetinde 1998 jyldan.
AQSh-taǵy Illınoıs ýnıversıtetiniń qurmetti professory. Qazaqstan ýnıversıtetteri Ulttyq sport odaǵynyń prezıdenti, Eýropa men Azııadaǵy sport joǵarǵy oqý oryndary qaýymdastyǵynyń birinshi vıtse-prezıdenti.
58 jyl buryn (1966) Qazaqstan Respýblıkasy Parlament Májilisiniń VIII shaqyrylym depýtaty Erlan Dáýletuly STAMBEKOV dúnıege keldi.
Almaty qalasynda týǵan. 1991 jyly Almaty sáýlet-qurylys ınstıtýtyn «Injener-ekonomıst» mamandyǵy boıynsha bitirgen.
Eńbek joly: 1991-1992 jyldary Almaty qor bırjasynyń brokeri, 1992-1997 jyldary «Anar» halyqaralyq saýda úıi AQ dırektory, 1997-2000 jyldary «ALA Data Systems ltd» JShS Bas dırektory, 2000-2001 jyldary RMK qyzmetkeri munaı-gaz ónerkásibiniń bas dıspetcherlik basqarmasynda qyzmet atqardy. 2001 jyly Energetıka jáne mıneraldyq resýrstar Mınıstrligi Bas dırektorynyń birinshi orynbasary, 2001-2003 jyldary «ALA Data Systems ltd» JShS Bas dırektory, 2003-2004 jyldary «Qaztransoıl» JAQ Korporatıvtik damý departamentiniń dırektory, 2004 jyly «ALA Data Systems ltd» JShS Bas dırektory laýazymyn atqarǵan. «Alacard Petroltech"JShS prezıdenti boldy. 2013-2014 jyldary Almaty óńirlik kásipkerler palatasynyń dırektory, 2015-2018 jyldary Almaty Kásipkerler palatasy Óńirlik keńesiniń tóraǵasy qyzmetin atqarǵan.
2023 jyldyń naýryzynan bastap — VIII saılanǵan QR Parlamenti Májilisiniń depýtaty.
49 jyl buryn (1975) Qazaqstan Respýblıkasynyń Taıland Koroldigindegi Tótenshe jáne Ókiletti Elshisi Arman Asqaruly ISETOV dúnıege keldi.
Qostanaı oblysynda týǵan. Ál-Farabı atyndaǵy Qazaq memlekettik ýnıversıtetin bitirgen.
Eńbek qyzmeti: 1998-2004 jyldary QR SІM Sharttyq-quqyqtyq basqarma referenti, Halyqaralyq-quqyqtyq departamenti dırektorynyń orynbasary, 2004-2012 jyldary Nıý-Iorktegi BUU janyndaǵy QR Turaqty ókildiginiń qyzmetkeri, 2012-2018 jyldary QR SІM Halyqaralyq-quqyqtyq departamentiniń dırektory, 2018-2022 jyldary Nıý-Iorktegi BUU janyndaǵy QR Turaqty ókiliniń birinshi orynbasary laýazymyn atqarǵan.
Qazirgi qyzmetinde 2022 jylǵy sáýirden bastap.
45 jyl buryn (1979) Qazaqstan Respýblıkasy Qaýipsizdik Keńesi hatshysynyń orynbasary Nurjan Qajymuratuly QAJYAQBAROV dúnıege keldi.
Almaty qalasynda týǵan. 2000 jyly Qazaq memlekettik basqarý akademııasyn, 2020 jyly RF SІM Dıplomatııalyq akademııasynyń magıstratýrasyn bitirgen.
Eńbek joly: 1999-2000 jyldary respýblıkalyq arnaıy fızıka-matematıkalyq mektep-ınternattyń olımpıadalyq rezervti daıarlaý boıynsha matematıka muǵalimi, 2000-2002 jyldary QR Syrtqy ister mınıstrligi Ekonomıkalyq saıasat departamentiniń referenti, attashesi, 2002 jyly Qazaqstan SІM-niń Investıtsııa jónindegi komıtetiniń úshinshi hatshysy, 2002-2004 jyldary Qazaqstan SІM-niń TMD isteri jónindegi komıtetiniń úshinshi hatshysy, ekinshi hatshysy bolyp qyzmet etti. 2004-2006 jyldary QR Premer-Mınıstriniń Keńsesi Syrtqy baılanystar bóliminiń sarapshysy, 2006-2016 jyldary QR Prezıdentiniń Ákimshiligi Syrtqy saıasat ortalyǵynyń bas sarapshysy, konsýltanty, sektor meńgerýshisi, osy ortalyq meńgerýshisiniń orynbasary, 2016-2017 jyldary Qazaqstan SІM-niń TMD departamentiniń dırektory, 2017-2022 jyldary Qazaqstan Respýblıkasynyń Reseı Federatsııasyndaǵy Elshiliginiń keńesshi-ýákili laýazymyn atqarǵan.
Qazirgi qyzmetin 2022 jylǵy sáýirden bastap atqaryp keledi.
43 jyl buryn (1981) Qazaqstan Respýblıkasy Ǵylym jáne joǵary bilim mınıstriniń keńesshisi Rýslan Toqtarbekuly EMELBAEV dúnıege keldi.
Shyǵys Qazaqstan oblysynda dúnıege kelgen. 2007 jyly E. Bóketov atyndaǵy Qaraǵandy memlekettik ýnıversıtetin «Tarıh» mamandyǵy boıynsha bitirgen. 2018 jyly Abaı atyndaǵy Qazaq ulttyq pedagogıkalyq ýnıversıtetin magıstratýrasyn «Tarıh» mamandyǵy boıynsha bitirgen. Pedagogıkalyq ǵylymdar magıstri.
Eńbek joly: 2007-2010 jyldary «Qazaqstan tarıhy» pániniń muǵalimi, 2010-2015 jyldary UBT-ǵa daıyndyq boıynsha Oqý ortalyǵynyń dırektory, 2015-2016 jyldary Test tapsyrmalaryn qalyptastyrýdy uıymdastyrý bóliminiń basshysy, «DOSTYK» ortalyǵy, 2016-2019 jyldary Qoǵammen baılanys jónindegi dırektor, «Education Consulting», 2019-2021 jyldary Jobalardy basqarý jónindegi dırektor, «EduCon» JShS, 2021 jyly QR Bilim jáne ǵylym mınıstrliginiń «Ulttyq testileý ortalyǵy» RMQK dırektorynyń mindetin atqarýshy qyzmetin atqarǵan. 2021-2024 jyldary QR Bilim jáne ǵylym mınıstrliginiń «Ulttyq testileý ortalyǵy» RMQK dırektory boldy.
QR Bilim jáne ǵylym mınıstriniń Qurmet gramotasymen (2019) jáne basqa da alǵys hattarmen marapattalǵan.
42 jyl buryn (1982) «AMANAT» partııasynyń hatshysy Erjan Jumatuly JYLQYBAEV dúnıege keldi.
Ońtústik Qazaqstan oblysy Tólebı aýdanynyń Lenger qalasynda dúnıege kelgen. Ońtústik Qazaqstan ýnıversıtetin, QR Prezıdentiniń janyndaǵy Memlekettik basqarý akademııasyn, S. Amanjolov atyndaǵy Shyǵys Qazaqstan memlekettik ýnıversıtetin támamdaǵan.
Eńbek joly: 2003-2004 jyldary Ońtústik Qazaqstan oblysynyń ekonomıka departamentinde bas maman, 2006-2007 jyldary QR Parlamentindegi Úkimet Ókildiginde bas sarapshy, 2007 jyly QR ekonomıka jáne bıýdjettik josparlaý mınıstrliginiń memlekettik aktıvterdi basqarý saıasaty departamentiniń memlekettik kásipkerlik basqarmasynyń ádisnama jáne norma shyǵarmashylyǵy bóliminiń basshysy, 2007-2009 jyldary QR eńbek jáne halyqty áleýmettik qorǵaý mınıstriniń kómekshisi, 2009 jyly Shyǵys Qazaqstan oblysy ákiminiń kómekshisi, 2009-2012 jyldary Shyǵys Qazaqstan oblysy ákiminiń apparat basshysynyń orynbasary, 2012-2014 jyldary Shyǵys Qazaqstan oblysy ákimdigi apparatynyń basshysy bolyp qyzmet atqarǵan. 2014-2016 jyldary QR prezıdenti ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, 2016-2019 jyldary Almaty qalasy Medeý aýdanynyń ákimi, 2019 jyly QR eńbek jáne halyqty áleýmettik qorǵaý vıtse-mınıstri, 2019-2020 jyldary QR eńbek jáne halyqty áleýmettik qorǵaý birinshi vıtse-mınıstri, 2020-2021 jyldary Jambyl oblysy ákiminiń orynbasary, 2021-2022 jyldary Taraz qalasynyń ákimi, 2023 jyly «AMANAT» partııasy atqarýshy hatshysynyń keńesshisi laýazymyn atqarǵan.
Qazirgi qyzmetine 2023 jyldyń sáýirinde kiristi
«Qurmet» ordenimen marapattalǵan (2017).
128 jyl buryn (1894-1938) qazaq til bilimi kóshbasshylarynyń biri, ǵalym-pedagog, ádisker, ádebıetshi, synshy, tarıhshy, aýdarmashy, qoǵam qaıratkeri Teljan ShONANULY dúnıege keldi.
Aqtóbe oblysy Yrǵyz aýdanynda týǵan. Eki synyptyq Yrǵyz orys-qazaq ýchılışesin, Orynbor qyrǵyz (qazaq) muǵalimder ınstıtýtyn, Abaı atyndaǵy Qazaq ulttyq pedagogıkalyq ınstıtýtyn bitirgen.
1917 jyly Alashorda úkimetiniń A. Baıtursynov basshylyq etken Oqý komıssııasyna saılanǵan. Muǵalim, Qazaq memlekettik ýnıversıtetiniń (ál-Farabı atyndaǵy Qazaq ulttyq ýnıversıteti), Abaı atyndaǵy Qazaq ulttyq pedagogıkalyq ýnıversıtetiniń oqytýshysy, dotsenti qyzmetterin atqarǵan. 30-dan astam oqýlyqtyń avtory. «Jańalyq», «Saýattan», «Kolhoz aýyly», «Oqý quraly» (A. Baıtursynovpen birge), «Til damytý», «Qazaq tiliniń oqý quraly», t. b. latyn árpi, tatar, uıǵyr, túrik tilderi jaıly zertteý eńbekteri bar. «Qazaq jer máselesiniń tarıhy» (1926) atty Tashkentte basylǵan kitabynda qazaq jerin otarlaýdyń 200 jyldyq tarıhy taldanǵan. 1994 jyly Aqtóbede qurylǵan T. Shonanuly atyndaǵy qaıyrymdylyq qory ǵalym murasyn izdestirýmen, zertteýmen aınalysady.