17 jeltoqsan. Týǵan kún ıeleri
ESІMDER
124 jyl buryn (1894-1938) otandyq til bilimi kóshbasshylarynyń biri, ǵalym-pedagog, ádisker, ádebıetshi, synshy, tarıhshy, aýdarmashy, qoǵam qaıratkeri Teljan ShONANULY dúnıege keldi.
Aqtóbe oblysy Yrǵyz aýdanynda týǵan. Eki synyptyq Yrǵyz orys-qazaq ýchılışesin, Orynbor qyrǵyz (qazaq) muǵalimder ınstıtýtyn, Abaı atyndaǵy Qazaq ulttyq pedagogıkalyq ınstıtýtyn bitirgen. 1917 jyly Alashorda úkimetiniń A.Baıtursynov basshylyq etken Oqý komıssııasyna saılanǵan. Muǵalim, Qazaq memlekettik ýnıversıtetiniń (ál-Farabı atyndaǵy Qazaq ulttyq ýnıversıteti), Abaı atyndaǵy Qazaq ulttyq pedagogıkalyq ýnıversıtetiniń oqytýshysy, dotsenti qyzmetterin atqarǵan. 30-dan astam oqýlyqtyń avtory. «Jańalyq», «Saýattan», «Kolhoz aýyly», «Oqý quraly» (A.Baıtursynovpen birge), «Til damytý», «Qazaq tiliniń oqý quraly», t.b. latyn árpi, tatar, uıǵyr, túrik tilderi jaıly zertteý eńbekteri bar. «Qazaq jer máselesiniń tarıhy» (1926) atty Tashkentte basylǵan kitabynda qazaq jerin otarlaýdyń 200 jyldyq tarıhy taldanǵan. 1994 jyly Aqtóbede qurylǵan T.Shonanuly atyndaǵy qaıyrymdylyq qory ǵalym murasyn izdestirýmen, zertteýmen aınalysady.
64 jyl buryn (1954) pedagogıka ǵylymdarynyń doktory, matematıka professory, Joǵary mektep ǵylymdary Halyqaralyq Akademııasynyń akademıgi, Qazaq sport jáne týrızm akademııasynyń prezıdenti Qaırat Haırollauly ZAKIRЬıANOV dúnıege keldi.
Shyǵys Qazaqstan oblysynda týǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen. 1993-1995 jyldary - Shyǵys Qazaqstan memlekettik ýnıversıtetiniń rektory, oblys ákiminiń orynbasary. 1995-1998 jyldary - Qazaqstan Respýblıkasy Prezıdenti Ákimshiligi ishki saıasat bóliminiń sektor meńgerýshisi bolǵan. Qazirgi qyzmetinde - 1998 jyldan. AQSh-taǵy Illınoıs ýnıversıtetiniń qurmetti professory. Qazaqstan ýnıversıtetteri Ulttyq sport odaǵynyń prezıdenti, Eýropa men Azııadaǵy sport joǵarǵy oqý oryndary qaýymdastyǵynyń birinshi vıtse-prezıdenti.
52 jyl buryn (1966) Qaraǵandy oblysynyń mádenıet, arhıvter jáne qujattama basqarmasynyń basshysy Erkebulan Múlikuly AǴYMBAEV dúnıege keldi.
Shyǵys-Qazaqstan oblysy Úrjar aýdany, Maqanshy keńsharynda týǵan.
1985 jyly Abaı atyndaǵy Almaty memlekettik ýnıvesıtetin bitirip, horeografııa pánderiniń oqytýshysy mamandyǵyn alǵan. Eńbek jolyn 1985j. «Altynaı» halyq bıleri ansamblinde balet ártisi bolyp bastady. 1999j. Astana qalasynyń Memlekettik fılarmonııasynda qyzmet atqardy. 2005-2006 jj. Astana qalasynyń mádenıet departamentinde óner bóliminiń bastyǵy, 2008-2010jj. Astana qalasynyń mádenıet basqarmasyn basqardy.
2010-2013jj. «Naz» memlekettik bı teatrynyń dırektory qyzmetin atqardy.
2013j. qarasha aıynan Qaraǵandy oblysynyń mádenıet, muraǵattar jáne qujattama basqarmasynyń basshysy bolyp taǵaıyndaldy.
42 jyl buryn (1976) Qostanaı oblysy ákimdiginiń jerdi qorǵaý jáne paıdalanýdy baqylaý jónindegi basqarmasynyń basshysy
Nurlan Ábdirahmanuly ÁBDÝOV dúnıege keldi.
Qostanaı oblysynyń týmasy. 1997 jyly Qostanaı Aýylsharýashylyq ınstıtýtyn (agronom) támamdaǵan.
Eńbek joly: «Birlik» JShS astyq kompanııasynyń menedjeri (1998); «Sadchıkovka» JShS brıgada agronomy (2002-2005); «Altyn-Invest» JShS bas agronomy (2005-2006); «Arqalyq qalasy ákimdiginiń jer qatynastary bólimi» MM bas mamany (2006-2007); «Arqalyq qalasy ákimdiginiń jer qatynastary bólimi» MM bastyǵy (2007); Arqalyq aýmaqtyq saılaý komıssııasynyń tóraǵasy (2007); «Qostanaı oblysy ákimdiginiń jer qatynastary basqarmasy» MM Jerdiń paıdalanylýyn saraptaý, josparlaý jáne lıtsenzııalaý» bóliminiń bastyǵy (2009-2010); «Qostanaı oblysy ákimdiginiń jer qatynastary basqarmasy» MM bastyǵy (2010-2017).
Qazirgi qyzmetinde - 2017 jyldan beri.
36 jyl buryn (1982) Almaty qalasy Medeý aýdanynyń ákimi - Erjan Jumatuly JYLQYBAEV dúnıege keldi.
Ol Ońtústik Qazaqstan oblysy Tólebı aýdanynda dúnıege kelgen. Ońtústik Qazaqstan ýnıversıtetin «ekonomıst-menedjer» mamandyǵy boıynsha, Qazaqstan Respýblıkasy Prezıdentiniń janyndaǵy memlekettik basqarý akademııasynyń magıstratýrasyn «memlekettik jáne jergilikti basqarý» mamandyǵy boıynsha, Shyǵys Qazaqstan memlekettik ýnıversıtetin «zańger» mamandyǵy boıynsha támamdaǵan.
Óziniń eńbek jolyn 2005 jyly Ońtústik Qazaqstan oblysynyń ekonomıka departamentiniń bas mamany bolyp bastaǵan. 2006 jyly Qazaqstan Respýblıkasy Premer-Mınıstri Keńsesiniń bas eksperti bolyp jumys atqarǵan. 2007-2009 jyldary Qazaqstan Respýblıkasy Ekonomıka jáne bıýdjettik josparlaý mınıstrliginiń Memlekettik aktıvterdi basqarý saıasaty departamentiniń bólimi bastyǵy, Qazaqstan Respýblıkasy Eńbek jáne halyqty áleýmettik qorǵaý mınıstriniń kómekshisi, Shyǵys Qazaqstan oblysy ákiminiń kómekshisi laýazymdarynda jumys atqardy. 2009 jyly Shyǵys Qazaqstan oblysy ákiminiń apparat basshysynyń orynbasary. 2011 jyly Shyǵys Qazaqstan oblysy Semeı qalasy ákiminiń orynbasary. 2012 jyly Shyǵys Qazaqstan oblysy ákiminiń apparat basshysy. 2015 jyly Qazaqstan Respýblıkasy Prezıdent ákimshiliginiń memlekettik baqylaý jáne uıymdastyrý-aımaqtyq jumysynyń memlekettik ınspektory laýazymynda qyzmet atqardy.
2016 jyldyń mamyr aıynan bastap - qazirgi qyzmetinde.