17 jeltoqsan kúni ShYU marafonyna 15 myń adam qatysady

KÝNЬMIN. QazAqparat - 2016 jyldyń 17 jeltoqsanynda QHR ıÝnnan provıntsııasynyń Kýnmın qalasynda Shanhaı yntymaqtastyq uıymynyń marafony ótedi, oǵan 15 myńnan astam adam qatysady. Bul týraly sharanyń resmı tanystyrylymy barysynda belgili boldy, dep habarlaıdy Qytaıdaǵy QazAqparat tilshisi.

 
«ShYU marafony sekildi shara birinshi ret ótkeli tur. Kóptegen adam marafonǵa qatysý úshin bizge qonaqqa keledi. Biz halyqaralyq standarttardy saqtaı otyryp, marafondy joǵary deńgeıde ótkizýge tyrysamyz», - dedi ıÝnnan provıntsııasy gýbernatorynyń orynbasary Gao Fen.

Ol sharaǵa qatysýshylardy «máńgilik kóktem men gúldengen baqtar» mekeni -  ıÝnnan provıntsııasy men Kýnmın qalasynyń áleýmettik-ekonomıkalyq damýymen tanystyryp ótti.
 

ShYU Bas hatshysy Rashıd Alımov marafonnyń erekshelikteri týraly aıtyp berdi.

«Birinshiden, marafonnyń qatysýshylary ózgeshe. Shanhaı Yntymaqtastyq Uıymynyń 15-jyldyǵyna arnalǵan halyqaralyq marafonǵa ShYU-ǵa múshe barlyq 18 memlekettiń ókilderi men ózge elden kelgen sportshylar qatysady», - dedi ol.