17 jeltoqsan kúngi aýa raıy boljamy
NUR-SULTAN. QazAqparat – 17 jeltoqsan kúni respýblıkanyń basym bóliginde jaýyn-shashynsyz aýa raıy saqtalady. Elimizdiń tek batys, soltústik-batysynyń keı jerlerinde atmosferalyq frontaldy bólikterdiń ótýine baılanysty jaýyn-shashyn kútiledi. Jekelegen óńirlerde tuman, kóktaıǵaq saqtalady, soltústik-batysta ekpindi jel boljanady, dep habarlaıdy QazAqparat.
«Qazgıdromet» RMK málimetinshe, Qostanaı, Soltústik Qazaqstan oblystarynyń keı jerlerinde tuman kútiledi, kúndiz jel 15-20 m/s kúsheıedi.
Almaty, Qyzylorda, Mańǵystaý, Atyraý, Batys Qazaqstan oblystarynyń keı jerlerinde tuman, kóktaıǵaq bolady.
Aqmola, Jambyl, Túrkistan, Aqtóbe, Pavlodar, Qaraǵandy, Shyǵys Qazaqstan oblystarynda, sondaı-aq tuman boljanady.
