17 jastaǵy Janat Saıyn shahmat boıynsha absolıýtty álem chempıony atandy
ASTANA. QazAqparat - 17 jastaǵy Janat Saıyn Taılandta jasóspirimder arasynda ótken shahmat boıynsha álem chempıonatynda absolıýtty jeńimpaz atandy.
Pattaııadaǵy shahmattan ártúrli jastaǵy qatysýshylar arasynda álem chempıonaty ótti. Jalpykomandalyq esepte 10 alqaǵa qol jetkizgen qazaqstandyqtar tórtinshi orynǵa ıe boldy. Qazaqstan qorjynyna bes qola, úsh kúmis jáne eki altyn medal tústi, dep habarlady «Qazaqstan 2050» jalpy ulttyq qozǵalysynyń baspasóz qyzmetinen.
Qola alqaǵa Samal Ábdýálı (13 jasqa deıin), Arystanbek Orazaev (17 jasqa deıin), Altynaı Qojamqul (7 jasqa deıin), Qazybek Nógerbek (11 jasqa deıin) jáne Nazerke Nurǵalı (11 jasqa deıin) ıe boldy. Amına Qaıyrbekova, Ansat Aldııar (7 jasqa deıin), Denıza Qurmanalına (7 jasqa deıin) kúmis alqany jeńip alsa, Saıyn Janat (17 jasqa deıin), Amına Qaıyrbekova (9 jasqa deıin) altynnan alqa taqty.
