17 jastaǵy qyzdy poıyz basyp ketti
ASTANA. QazAqparat - Reseıdiń Ýlıanovsk oblysynda temir jol boıynda qaza tapqan 17 jastaǵy qyzdyń ólimine qatysty tergeýaldy tekseris júrgizilip jatyr, dep habarlaıdy RF Tergeý komıtetiniń baspasóz qyzmeti.
Aldyn ala derekterge qaraǵanda, senbi kúni tańerteń Nıkolaevsk aýdanyndaǵy Klıýchıkı stansasynda júk poıyzy joldy kesip ótpek bolǵan 17 jastaǵy qyzdy qaǵyp ketken. Bul oqıǵany kórgenderdiń aıtýlarynsha, uıaly telefonmen sóılesip kele jatqan qyz bala jaqyndap qalǵan júk quramasyn baıqamaǵan.
Mashınıst ony kórgen, shuǵyl poıyzdy tejep, sıgnal da bergen. Ókinishke oraı, apattyń aldyn alýdyń oraıy kelmedi. Aýyr jaraqattanǵan qyz sol jerde kóz jumdy, dep habarlaıdy Rosbalt.
