17 jastaǵy qazaqstandyq tennısshi Túrkııadaǵy jarystyń shırek fınalyna shyqty
ASTANA. QazAqparat – 17 jastaǵy Arýjan Saǵyndyqova Túrkııanyń Antalııa qalasynda ótip jatqan ITF W25 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq jas tennısshi alǵashqy aınalymda otandasy Janel Rústemovamen baq synasty.
Munda Arýjan tartysty básekede Janelden 4:6, 6:3, 6:4 esebimen aılasyn asyrdy.
Ekinshi aınalymda A.Saǵyndyqova rýmynııalyq Marııa-Sara Popany 6:3, 7:5 esebimen súrindirdi.
Arýjan Saǵyndyqova jartylaı fınalǵa shyǵý úshin álemniń 484-inshi, osy dodanyń 2-raketkasy, túrkııalyq Ilaı Iorýkpen talasady.
Janel Rústemova juptyq synda jartylaı fınalǵa ótti.
Budan bir apta buryn Antalııadaǵy jarysta Arýjan jekeleı synda shırek fınalǵa deıin jetken edi. Al juptyq synda eresekter arasyndaǵy alǵashqy tıtýlyn jeńip aldy.
Eske sala keteıik, budan buryn Qazaqstan quramasynyń Ispanııadan jeńilip, álem chempıonatynan shyǵyp qalǵanyn jazǵan bolatynbyz.
